“UShadiraki, uMeshaki, noAbedi-nego,” Izindaba zeTestamente eliDala (2022)
“UShadiraki, uMeshaki, noAbedi-nego,” Izindaba zeTestamente eliDala
UDaniyeli 1; 3
UShadiraki, uMeshaki, noAbedi-nego
Isivivinyo esiyingozi sokholo
INkosi uNebukadinesari wakha umfanekiso womdondoshiya, wegolide futhi waphoqa abantu ukuba bawukhonze. Uma babenqaba, bayophonswa elangabini lomlilo.
Abangani baDaniyeli uShadiraki, uMeshaki, noAbedi-nego babemthanda uNkulunkulu futhi babengeke bamkhonze unkulunkulu wenkosi wamanga. Inkosi yayibathukuthelele.
Laba bangani abathathu batshela inkosi ukuthi babezokhonza uNkulunkulu kuphela. Babekholwa ukuthi uNkulunkulu wayengababavikela. Kodwa ngisho noma Wayengabasindisi, babezokumela ababekholwa kukho.
Inkosi yayithukuthelele uShadiraki, uMeshaki, noAbedi-nego. Yabayekela ukuba baphoswe elangabini lomlilo. Kodwa ngesikhathi inkosi ibuka elangabini, yamangala ukubona ingelosi emlilweni namadoda amathathu. Babengashiswanga wumlilo.
Inkosi yabiza uShadiraki, uMeshaki, noAbedi-nego, futhi baphuma elangabini. Umlilo wawungabashisanga ngisho nezingubo zabo azishanga.
UShadiraki, uMeshaki, noAbedi-nego bayilalela imiyalelo kaNkulunkulu, ngisho izimpilo zabo zazisengozini. Isibonelo sabo sasiza inkosi ikholwe kuNkulunkulu.