UJeremiya 1–52

UJeremiya umProfethi

Wabizwa ngaphambi kokuba azalwe

UJeremiya wabizwa ukuba abe umprofethi

UJeremiya wayehlala eJerusalema ngesikhathi esemncane. Ngelinye ilanga iNkosi yafika kuJeremiya yambiza ukuba abe ngumprofethi. INkosi yatshela uJeremiya ukuthi wakhethwa ukuba abe ngumprofethi ngaphambi kokuba azalwe. INkosi yayazi ukuthi impilo kaJeremiya yayizoba nzima. Kodwa yathembisa uJeremiya ukuthi Yayiyohlezi inaye.

UJeremiya 1:1–10

UJeremiya exwayisa abantu

Abantu baseJerusalema abazigcinanga izethembiso zabo abazenza neNkosi. Ngenxa yobubi babo, uJeremiya wabaxwayisa abantu ukuthi babezonqotshwa. INkosi yathi uma begcina usuku lweSabatha lungcwele, idolobha laseJerusalema lalingeke libhujiswe. Kodwa abantu abalalelanga.

UJeremiya 6:1–19; 8–9; 17:21–27

UJeremiya esejele

UJeremiya wafundisa abantu iminyaka eminingi. Kodwa abazange bephenduke. Esikhundleni salokho, bamlimaza base bemphonsa ejele.

UJeremiya 20:2; 26:8–9; 37:15–18; 38:6

UJeremiya ebukela iJerusalema ibhubha

UJeremiya wayebathanda abantu. Wakhala ngenxa yezono zabo. Njengoba ayeshilo, iJerusalema yabhubha, nabantu banqotshwa.

UJeremiya 9:1–8; 25:9–12; 52:1–10

UJeremiya ebhala iziprofetho.

UJeremiya wayiswa eGibithe. INkosi yamtshela ukuthi abhale phansi iziprofetho zakhe. UJeremiya wayilalela iNkosi ngisho izimo zinzima. Waqhubeka nokutshela abantu bakhe ukuthi bagcine izithembiso abazenze neNkosi.

UJeremiya 36:1–2, 27–32