UJobe 1–3; 19; 38–42

UJobe

Ukwethemba Uthando lweNkosi

UJobe wayeyindoda elungile eyayithanda iNkosi futhi igcina imiyalelo Yayo. Yena nomkakhe babenabantwana abayishumi, futhi wayenemihlambi eminingi yezilwane kanye nengcebo eningi.

UJobe 1:1–5

INkosi yavuma ukuba ukholo lukaJobe luvivinywe. UJobe wabhekana nezinto eziningi.

UJobe 1:6–12

Ngolunye usuku iningi lezilwane zikaJobe zebiwa. Kamumva umlilo washisa yonke indawo kaJobe futhi wabulala zonke izisebenzi kanye nezinye izilwane zakhe. Emva kwalokho isiphepho sawisa phansi umuzi wendondana kaJobe. Izingane zakhe ezaziphakathi, zafa zonke. UJobe nomkakhe babengasenalutho olusele ngaphandle kwempilo yabo.

UJobe 1:13–19

UJobe nomkakhe babedangele. Balahlekelwa yikho konke, ngisho abantwana babo. Kodwa uJobe wayesanokholo eNkosini. Akazange asole iNkosi ngalokhu okwakwenzekile.

UJobe 1:20–22

UJobe naye wagula. Izilonda ezibuhlungu zagcwala umzimba wakhe wonke. UJobe nomkakhe bazibuza ukuthi kungani lezi zinto zazenzeka na.

uJobe 2:7–9; 3:1–11

INkosi yakhuluma noJobe futhi yamkhombisa umhlaba, izinkanyezi, nazo zonke izinto eziphilayo. INkosi yafundisa uJobe isifundo esibalulekile. Zonke izinto zazidalelwe ukusiza abantwana baBaba oseZulwini ukuba bafunde ngeNdodana Yakhe uJesu Kristu futhi bayilandele.

UJobe 38–41

UJobe waphenduka futhi wacela iNkosi ukuba imxolele ngokungabaza. Wathembisa ukuthemba iNkosi. INkosi yayazi ukuthi uJobe wayeyithanda. Yamelapha uJobe futhi yambusisa ngabanye abantwana kanye nengcebo engaphezulu kunaleyo ayenayo.

UJobe 19:25–26; 42