“UDaniyeli nabaNgani Bakhe,” Izindaba zeTestamente eliDala (2022)
“UDaniyeli nabaNgani Bakhe,” Izindaba zeTestamente eliDala
UDaniyeli 1
UDaniyeli nabaNgani Bakhe
Ukwenqaba ukudla ukudla kwenkosi
Umbuso waseBabele wanqoba iJerusalema. Bathatha abanye ababafana ababehlakaniphile futhi benamandla babasusa emindenini yabo eJerusalema babaletha eBabele ukuyosebenzela inkosi.
UDaniyeli nabangani bakhe babengabanye balabafana. Babekhethiwe ukuba basebenzele enkundleni yenkosi futhi babe ngamadoda akhe okuhlakanipha.
Inkosi yanika uDaniyeli nabangani bakhe ukudla newayini. Kodwa babengafuni ukudla ukudla kwenkosi noma ukuphuza lelo wayini. Kwakungahambisani nemiyalelo kaNkulunkulu.
Lokhu kwenza isisebenzi senkosi sesabele impilo yaso. Sasinakekela uDaniyeli nabangani bakhe, futhi sacabanga ukuthi uma benqaba ukudla kwenkosi, babezokhula babe buthaka kunabanye abafana. Lapho-ke inkosi yayizothukuthela futhi ibulale isisebenzi sayo.
Kodwa uDaniyeli wamethemba uNkulunkulu futhi wayefuna ukugcina imiyalelo Yakhe. UDaniyeli wacela isisebenzi ukuba sibaphe amanzi nemifino izinsuku eziyishumi bese siqhathanise impilo yabo neyabanye abafana. Isisebenzi savuma.
Emva kwezinsuku eziyishumi uDaniyeli nabangani bakhe babephilile kunabanye abafana. UDaniyeli nabangani bakhe balandela imiyalelo kaNkulunkulu, uNkulunkulu wabenza amadoda ahlakaniphe kakhulu enkundleni yenkosi.