“UDavide noGoliyati,” Izindaba zeTestamente eliDala (2022)
“UDavide noGoliyati,” Izindaba zeTestamente eliDala
1 USamuweli 17
UDavide noGoliyati
Ukubhekana nomdondoshiya
AmaFilisti ayehlasela abakwa-Israyeli. Njalo ekuseni umdondoshiya wamaFilistini obizwa ngoGoliyati wayephonsa inselelo kwabakwa-Israyeli ukuba alwe naye. UGoliyati wayemkhulu futhi emude ukudlula wonke umuntu, futhi wayenolaka. Wayegqoka izivikelo ezisindayo futhi ephatha inkemba, umkhonto, kanye nesihlangu esikhulu. Akekho owayengalinge alwe naye.
UDavide wayengumelusi omncane ongumfana owayenokholo eNkosini. Abafowabo abadala babengamasosha ebuthweni labesizwe sika-Israyeli. Ngelinye ilanga, uDavide wahambisela abafowabo ukudla. Ngesikhathi efika enkanjini yebutho, wayizwa inselelo kaGoliyati.
UDavide wabuza amasosha ukuthi kungani kungekho ovikela abesizwe sakwa-Israyeli. Abafowabo bathukuthelae bamtshela ukuthi ahambe ayonakekela izimvu. Kodwa uDavide wayazi ukuthi iNkosi iyomvikela u-Israyeli.
Inkosi uSawulu yayilwazi ukholo lukaDavide, ngakho-ke yacela ukumbona uDavide. UDavide watshela uSawulu ukuthi wayengesabi yena ukulwa noGoliyati. UDavide wachaza ukuthi langa limbe ngesikhathi enakekela izimvu, wabulala ingonyama nebhele. INkosi yamvikela ngaleso sikhathi, futhi uDavide wayazi ukuthi iNkosi yayizomvikela namanje.
USawulu wanika uDavide isivikelo sakhe. Kodwa asimlingananga, ngakho-ke uDavide wasikhumula. Wanquma ukulwa engasifakanga isivikelo.
UDavide waqoqa amatshe asulekile amahlanu wawafaka esikhwameni. Wathatha isihlilingi sakhe nenduku yokwelusa waya ukuyobhekana noGoliyati.
Ngesikhathi uGoliyati ebona uDavide, wamemeza futhi wahlekisa ngaye. Wathi umfana ongumelusi wayengeke amehlule yena. UDavide wamemeza naye ethi wayethembe iNkosi ukuba imvikele! UDavide wathi wayezomehlula uGoliyati ukukhombisa ubukhulu beNkosi.
uDavide wagijima waya kuGoliyati Ngokushesha waphosa itshe ngesihlilingi. Itshe lamshaya uGoliyathi esiphongweni, indoda engumdondoshiya yawa phansi. INkosi yasiza uDavide ukuba ahlule uGoliyati ngaphandle kwenkemba noma isivikelo.
Ngesikhathi amaFilisti ebona ukuthi uGoliyati wayesefile, abaleka enokwesaba. Abakwa-Israyeli bayinqoba impi. UDavide wayethembe iNkosi, futhi iNkosi yamvikela u-Israyeli.