UNehemiya 1–2; 4; 6

UNehemiya

Ukuvuselela izindonga eJerusalema

UNehemiya wayengumJuda owayehlala ePeresiya. Wayeyinceku yenkosi eyayethenjwa. Ngelinye ilanga uNehemiya wezwa ukuthi amaJuda ayeseJerusalema ayehlupheka. Izindonga ezazivikela iJerusalema zabhujiswa futhi azizange zaphinde zavuselelwa. IJerusalema yayisengozini. UNehemiya wazila ukudla wakhulekela usizo lweNkosi.

uNehemiya 1

Inkosi yabuza uNehemiya ukuthi kwakungani ayedumele kangaka. Watshela inkosi ngengozi eyayiseJerusalema. Inkosi yathi ingakwazi ukusiza. UNehemiya wacela ukuya eJerusalema ukuze ayovuselela udonga. Inkosi yenza uNehemiya abe ngumholi yase imnika izimpahla ayezidinga.

uNehemiya 2:2–8

UNehemiya namaJuda baqala ukuvuselela izindonga zaseJerusalema. Kodwa izitha zabo zahlekisa ngabo futhi zazama ukubavimba.

uNehemiya 2:17–20

Izitha zabo zazama ukulinga uNehemiya ukuba ahambe kulelo dolobha. Kodwa uNehemiya wayengafuni ukuhamba. Wayethemba iNkosi. Wayenza umsebenzi omkhulu.

uNehemiya 6:2–4

UNehemiya watshela abantu bakhe ukuba bangasabi. Babeka onogada odongweni ukuba balugcine luphephile. AmaJuda aqhubeka nokulakha udonga. INkosi yanika amaJuda amandla, ase eqeda ukulakha udonga ezinsukwini ezingama-52. IJerusalema yase iphephile futhi.

uNehemiya 4:6–15; 6:5–9, 15–16