II AmaKhosi 5

U-Elisha Welapha UNahamani

Indlela isimangaliso esikhulu esalandela ngayo ukholo olulula

Kude eSiriya kwakukhona indoda eyayibizwa ngoNahamani. Wayeyinduna enkulu yebutho laseSiriya. Kodwa uNahamani wayenesifo sesikhumba esibuhlungu esibizwa ngochoko.

II AmaKhosi 5:1

Incekukazi yomkaNahamani kwakuyintombazane yakwa-Israyeli. Lentombazane yayinokholo eNkosini. Yathi uma uNahamani wayengavakashela umprofethi u-Elisha, wayengalapheka esifweni sakhe.

II AmaKhosi 5:2–4

UNahamani wahamba ibanga elide ukuze athola u-Elisha. UNahamani wayecabanga ukuthi wayezolashwa yisimangaliso esikhulu.

II AmaKhosi 5:5–8

UNahamani wafika endlini ka-Elisha nezinceku zakhe, namahhashi, kanye nezinqola. U-Elisha wathumela inceku yakhe ukuba inikeze uNahamani imiyalelo yeNkosi. INkosi yayizomelapha uNahamani uma wayezozigeza kasikhombisa eMfuleni iJordani.

II AmaKhosi 5:9–10

UNahamani wayethukuthele ngoba yena wayefuna umprofethi weNkosi aphume azomelapha ngokushesha. UNahamani wayekhononda ethi imifula emikhulu yaseSiriya yayingcono kakhulu kunoMfula iJordani.

II AmaKhosi 5:11–12

Kodwa izinceku zikaNahamani zambuza uNahamani ukuthi kungani wayehlulwa ukwenza umsebenzi olula kangaka na. Ngisho noma kwakungenamqondo kuNahamani, kepha ngumprofethi weNkosi owayemucelile ukuba akwenze lokho.

II AmaKhosi 5:13

UNahamani wayeka ukuzikhukhumeza walalela izinceku zakhe. Wazigeza kasikhombisa eMfulenia iJordani. INkosi yase imelapha uNahamani, njengoba wayeshilo u-Elisha. UNahamani wayesazi ukuthi u-Elisha wayengumprofethi nokuthi iNkosi ikhona ngempela.

II AmaKhosi 5:14–15