“UJona umProfethi,” Izindaba zeTestamente eliDala (2021)
“UJona umProfethi,” Izindaba zeTestamente eliDala
UJona 1–4
UJona umPhrofethi
Ukufunda ukwethemba umusa weNkosi
UJona wayengumphrofethi. INkosi yamtshela ukuba axwayise abantu eNineve ngokuthi idolobha labo lizobhujiswa uma bengaphenduki.
Kepha abantu baseNineve babeyizitha kubantu besizwe sakwa-Israyeli. UJona wayengafuni ukubashumayeza. Ngakho-ke wangena emkhunjini ukuya kude naseNineve.
Ngesikhathi uJona esemkhunjini, kwafika isiphepho esikhulu. Amadoda ayesemkhunjini ayesabela izimpilo zawo. Acela uJona ukuba akhuleke eNkosini ukuba ibasindise.
UJona wayazi ukuthi iNkosi yathumela isiphepho ngoba wayebalekela lokho iNkosi eyamcela ukuba akwenze. UJona wayefuna ukusindisa abantu emkhunjini. Wathi uma bengamphosa olwandle, isiphepho siyophela.
Amadoda ayengafuni ukuphosa uJona ngaphandle. Azama ukugwedla umkhumbi ukuba uye emhlabeni, kodwa isiphepho sasisikhulu. Ekugcineni, bamphosa uJona olwandle.
Isiphepho saphela. Kodwa-ke uJona wagwinywa yinhlanzi enkulu.
UJona wayengaphakathi esiswini senhlanzi izinsuku ezintathu nobusuku obuthathu. Kuleso sikhathi, uJona wakhuleka futhi waphenduka. Wayefuna ukwenza okuhle futhi alalele iNkosi. INkosi yayizwa imikhuleko kaJona futhi yenza ukuthi inhlanzi iphimisele uJona ngaphandle emhlabeni owomile.
INkosi yatshela uJona futhi ukuthi ashumayeze abantu baseNineve. Ngalesi sikhathi uJona walalela. Waya eNineve watshela abantu ukuba baphenduke noma iNkosi izobhubhisa idolobha labo. Inkosi nabantu bayo baphenduka. INkosi yabaxolela futhi yangayibhubhisa iNineve.
Kodwa uJona wayephoxekile ukuthi abantu ababhujiswanga. Wayengacabangi ukuthi babekulungele ukuxolelwa.
Ukufundisa uJona isifundo, iNkosi yakhulisa isitshalo ukunika uJona umthunzi elangeni. Isitshalo safa, futhi uJona waphatheka kabi ngenxa yesitshalo.
INkosi yayifundisa uJona isifundo mayelana nabantwana Bayo. UJona wafunda ukuthi kumele angaphatheki kahle uma abantu bengaphenduki nokuthi kumele ajabule uma bephenduka.