u-Eksodusi 19–20; 24; 31–34; uDuteronomi 4–7

UMose eNtabeni iSinayi

Ukusiza abantu bakhumbule iNkosi

UMose nama-Israyeli bahamba ehlane. Bafika entabeni ebizwa ngokuthi iNtaba iSinayi.

u-Eksodusi 19:1

UMose wakhuphukela entabeni ukuyokhuluma neNkosi. INkosi yatshela uMose ukuthi yayifuna ukukhuluma nama-Israyeli ubuso nobuso.

u-Eksodusi 19:3, 9–11

Ama-Israyeli eza ezansi kweNtaba iSinayi futhi iNkosi yadala ukuba ifu lentuthu lizungeze intaba. INkosi yayisefwini. Yakhuluma nama-Israyeli futhi yawanika imiyalelo. Intaba yanyakaza ngesikhathi ikhuluma

u-Eksodusi 19:16–19; 20:1–17; uDuteronomi 4:12–13, 33; 5:4–5

Ama-Israyeli ayesaba. Acela ukuba uMose akhulume neNkosi ukuze uMose awatshele lokho okwakufunwa yiNkosi.

U-Eksodusi 7:18–19

UMose wathatha u-Aroni namagosa akwa-Israyeli angama-70 entabeni ukuba bathole ezinye izimfundiso zeNkosi. INkosi yavela kubo.

u-Eksodusi 24:1, 9–11

Bese iNkosi yatshela uMose ukuthi ashiye amagosa anyukele intaba. UMose walalela. INkosi yasebenzisa umunwe Wayo ukubhala umthetho nemiyalo Yayo ezibhebheni zamatshe. Ezinsukwini ezingama-40, iNkosi yafundisa uMose izinto eziningi.

u-Eksodusi 24:12–18; 31:18

Ngesikhathi uMose eseNtabeni iSinayi, abantu bakwa-Israyeli bakhathala ukumlinda. Batshela u-Aroni ukuthi enze izifanekiso ukuze bazikhonze njengoba babenza eGibithe. U-Aroni wahlanganisa onke amagolide abo futhi wakha isifanekiso sethole.

u-Eksodusi 32:1–4

Ama-Israyeli akhonza ithole legolide futhi alihlabela. Athi yithole legolide, hhayi iNkosi, elabakhulula eGibithe.

u-Eksodusi 32:4-6, 21–24.

INkosi yayazi ukuthi ama-Israyeli ayekhonza isithixo futhi emukhohlwa. Yayala uMose ukuba aphindele atshele abantu ukuba baphenduke.

u-Eksodusi 32:7–10

UMose wehla eNtabeni iSinayi futhi wabona ama-Israyeli ekhonza ithole legolide. Wayephatheke kabi kakhulu. Abantu babengakulungele ukuthobela umthetho nemiyalelo okwakubhalwe yiNkosi. UMose wephula izibhebhe futhi wabhubhisa ithole legolide. Wasiza ama-Israyeli ukuba aphenduke akhumbule uNkulunkulu wabo weqiniso.

u-Eksodusi 32:15–20, 25–29

UMose wacela iNkosi ukuba ithethelele ama-Israyeli futhi yenze izethembiso nawo futhi. UMose wathembisa ukuwahola futhi awafundise.

u-Eksodusi 32:30–34

INkosi yacela uMose ukuba enze izibhebhe zetshe ezintsha futhi aphindele eNtabeni iSinayi. INkosi yenze isethembiso esisha nama-Israyeli futhi wawanika imiYalelo Yakhe eyiShumi.

u-Eksodusi 20:2–17; 34:1–17, 28; uDuteronomi 6:24–25; 7:12–13