Alang sa mga Facilitator

Sa adlaw sa miting:

• I-text o tawagi ang mga sakop sa grupo, kon duna ka sa ilang impormasyon sa pagkontak. Pangutan-a kon motambong ba sila sa miting. Dapita sila nga mosayo og 10 minutos sa pag-abut aron makapirma sa attendance roll.

• Andama ang mga materyal sa miting:

  • Pagdala og kopya niini nga workbook ug sa booklet nga My Foundation: Principles, Skills, Habits para sa matag sakop sa grupo.

  • Pagdala og lima ka ekstra nga kopya sa My Path to Self-Reliance nga booklet inkaso ang mga sakop sa grupo wala makadawat og kopya.

  • Pag-andam og paagi nga makapasalida sa mga video, kon mahimo.

  • Walay mga libro o mga video? Makakuha mo niini online sa srs.lds.org.

30 minutos sa dili pa ang miting:

• Ipahimutang ang mga lingkuranan libut sa lamesa aron magdug-ol ang tanan.

  • Ang facilitator dili mobarug atol sa miting ug dili molingkod sa atubangan sa lamesa. Ang facilitator kinahanglang dili masentro sa pagtagad pero kinahanglang motabang sa mga sakop sa grupo nga maka-focus sa usag usa.

10 minutos sa dili pa ang miting:

• Abi-abiha sa mainitong paagi ang mga sakop sa grupo sa ilang pag-abut. Ilha ang ilang mga pangalan.

• Pagpasa og piraso sa papel ug hangyoa ang mga sakop sa grupo nga isulat ang ilang kompleto nga ngalan, ward o branch, ug petsa sa pagkatawo (adlaw ug bulan, dili tuig).

  • Human sa miting sa grupo, adto sa srs.lds.org/report ug sunda ang mga instruksyon sa pag-register sa tanang mga sakop sa grupo.

  • Human sa unang miting, paghimo og lista sa pagkontak nga ikapaambit sa grupo.

• Pag-assign og timekeeper aron magpabilin ang grupo sa iskedyul. Hangyoa siya sa pag-set sa timer sigun sa gimando sa libro.

  • Pananglitan, makakita ka og mga instruksyon nga nag-ingon “Oras: I-set ang timer sa 60 minutos alang sa seksyon nga Magkat-on.” Ang timekeeper mo-set sa oras diha sa cellphone, relo, o laing magamit nga timer ug mosulti sa grupo kon napupos na ang oras. Dayon ang grupo makadesisyon kon magsugod sa sunod nga seksyon o magpadayon sa ilang panaghisgot sulod sa pipila pa ka minutos.

Sa pagsugod:

• Moingon: “Welcome niining grupo sa self-reliance.”

• Hangyoa ang mga tawo sa pagpalong sa ilang mga cellphone ug ubang mga device.

• Isulti ang mosunod:

  • “Kini ang grupo sa self-reliance nga gitawag og ‘Starting and Growing My Business.’ Kamo bang tanan ania dinhi aron sa pagsugod o pagpalambo og negosyo?

  • “Ang Perpetual Education Fund dili magpa-loan alang sa negosyo. Pero sa katapusan niining mga miting, mas maandam kamo sa paghimo og mga desisyon bahin sa mga loan gikan sa lokal nga mga tigpautang.

  • “Magkita kita sa 12 ka higayon. Ang kada miting mokabat og mga duha ka oras. Mogahin usab kita og usa ngadto sa duha ka oras kada adlaw sa pagtuman sa atong mga commitment nga makatabang sa atong mga negosyo. Mohimo ba mo niining commitment sa panahon?”

• Sugdi og pangbukas nga pag-ampo (ug himno, kon gusto).

• Isulti ang mosunod:

  • “Kada higayon nga magkita kita, magsugod kita sa usa ka hilisgutan gikan sa booklet nga gitawag og My Foundation: Principles, Skills, Habits. Makatabang kini nato nga makakat-on ug makasunod sa mga baruganan, mga kahanas, ug mga gawi [habit] nga moresulta sa espiritwal ug temporal nga pagka-self-reliant.

  • “Ang Espiritu Santo mohatag ninyo og mga ideya sa tibuok semana. Isulat ang inyong mga ideya ug buhata kini. Sa pagbuhat ninyo, ang Ginoo mopanalangin ninyo ug mobuhat sa Iyang mga milagro pinaagi sa inyong negosyo.”

• I-set ang timer sa 20 minutos alang sa My Foundation.

• Basaha ang pasiuna nga sulat sa Unang Kapangulohan diha sa pahina 2 sa My Foundation. Dayon kompletuha ang baruganan 1 niana nga booklet ug balik niini nga workbook.