Sehluko 22
Ngelusuku lweminyaka letinkhulungwane bonkhe bantfu batawuyidvumisa iNkhosi—Itawuhlala emkhatsini wabo—Catsanisa na-Isaya 12. Cishe ngemnyaka wa 559 kuya kuwa 545 ngaphambi kwekutalwa kwaKhristu.
1 Futsi ngalolosuku uyotsi: Awu Nkhosi, ngitawukudvumisa; noma wawungitfukutselele intfukutselo yakho seyisusiwe, futsi uyangidvudvuta.
2 Bukani, Nkulunkulu uyinsindziso yami; ngitawukwetsemba, futsi ngingabi nekwesaba; ngoba iNkhosi Jehova ingemandla ami kanye nengoma yami; ngetulu kwaloko sewube yinsindziso yami.
3 Ngako-ke, ngenjabulo uyawukha emanti emitfonjeni yensindziso.
4 Futsi ngalolosuku niyawutsi: Dvumisani iNkhosi, bitani ligama layo, memetelani tento tayo emkhatsini webantfu, nisho kutsi ligama layo liphakeme.
5 Hlabelelani eNkhosini; ngoba yente tintfo letinhle kakhulu; loku kuyatiwa emhlabeni wonkhe.
6 Khala futsi umemete, wena lohlala eSiyoni; ngoba mkhulu loNgcwele waka-Israyeli losekhatsi kwakho.