1 И сега, Јакове, тебе ти говорам: Ти си мојот првороден во деновите на мојата неволја во дивината. И ете, во твоето детство си претрпел многу маки и многу тага, поради грубоста на твоите браќа.

2 Сепак, Јакове, мојот првороден во дивината, ти ја знаеш големината на Бог; и Тој ќе ги освети твоите неволји за твоја полза.

3 Затоа, твојата душа ќе биде благословена, и ќе живееш безбедно со твојот брат, Нефи; и твоите денови ќе бидат поминати во служењето на твојот Бог. Затоа, знам дека си искупен, заради праведноста на твојот Искупител; зашто си видел дека во целината на времето, Тој ќе дојде да им донесе спасение на луѓето.

4 И ти во твојата младост си ја видел Неговата слава; затоа, си благословен токму како оние на кои Тој ќе им служи во телото; зашто Духот е ист, вчера, денес, и засекогаш. И патот е подготвен од падот на човекот, а спасението е бесплатно.

5 И луѓе се доволно упатени за да знаат добро од зло. И законот е даден на луѓето. И по законот ниту едно тело не е оправдано; односно по законот луѓето се отсечени. Да, по привремениот закон тие беа отсечени; а исто, по духовниот закон загинуваат од тоа што е добро, и стануваат бедни засекогаш.

6 Затоа, искупување доаѓа во и преку Светиот Месија; зашто Тој е полн со благодат и вистина.

7 Ете, Тој се принесе Самиот како жртва за гревот, за да ги одговори краиштата на законот, на сите оние кои имаат скршено срце и покајнички дух; и на никој друг краиштата на законот не можат да се одговорат.

8 Затоа, колку е голема важноста да се откријат оние нешта на сите жители на земјата, за да може да дознаат дека нема тело кое може да живее во присуството Божјо, освен ако е преку заслугите, и милостината, и благодатта на Светиот Месија, Кој го положи Неговиот живот според телото, и го зема повторно преку силата на Духот, за Тој да може да го исполни воскреснувањето на мртвите, како прв кој ќе стане.

9 Затоа, Тој е првиот плод на Бог, доколку Тој направи посредување за сите Божји деца; и оние кои веруваат во Него ќе бидат спасени.

10 И поради посредувањето за сите, сите луѓе доаѓаат при Бог; затоа, тие стојат во присуството Негово, за да бидат судени од Него според вистината и светоста што е во Него. Затоа, краиштата на законот кој го дал Светецот, до нанесувањето на казната која е утврдена, која казна што е утврдена е во спротивност на таа на среќата која е утврдена, да ги одговори краиштата на помирувањето—

11 Зашто мора да е така, дека има спротивност во сите нешта. Ако не беше, мојот првороден во дивината, праведноста не би се исполнила, ниту пакоста, ниту светост ни бедност, ниту добро ни лошо. Затоа, сите нешта мора да бидат соединети во едно; ете затоа, ако е едно тело мораше да остане како мртво, немајќи ни живот ни смрт, ни расипаност ни нерасипаност, среќа ни беда, ниту осетливост ни неосетливост.

12 Затоа, мора да беше создадено за ништо; затоа немаше да има причина на крајот на неговото создавање. Затоа, ова би ја уништило мудроста Божја и Неговите вечни причини, а исто и моќта, и милоста, и правдата на Бог.

13 И ако велиш дека нема закон, и исто така ќе велиш дека нема грев. Ако велиш дека нема грев, исто така ќе велиш дека нема праведност. И ако нема праведност, нема среќа. И ако нема праведност ни среќа нема казна ни беда. И ако овие нешта не постојат, не постои Бог. И ако не постои Бог не постоиме ние, ни земјата; зашто, не можеше да има создавање на нешта, ниту да се дејствува ниту да се биде под дејство, затоа сите нешта мораше да изчезнат.

14 И сега, синови мои, ви ги говорам овие нешта за вашата полза и учење; зашто постои Бог, и Тој ги создал сите нешта, и небото и земјата, и сите нешта во нив, и нешта да дејствуваат и нешта да бидат под дејство.

15 И за да ги оствари Неговите вечни цели на крајот на човекот, откако Тој беше ги создал нашите први родители, и ѕверовите полски и птиците небесни, и кратко, сите нешта кои се создадени, мора да биде така да имаше спротивставеност; дури и забранетиот плод во спротивставеност на дрвото на живот; едниот е сладок а другиот горчлив.

16 Затоа, Господ Бог му дал на човек да дејствува сам за себеси. Затоа човекот не би можел да дејствува сам за себеси освен да беше наведен од едниот или другиот.

17 И јас, Лехи, според нештата кои ги прочитав, треба да мислам дека еден Божји ангел, според тоа што е напишано, беше паднал од небото; затоа, тој стана ѓавол, бидејќи го побарал тоа што беше злобно пред Бог.

18 И бидејќи беше паднал од небото, и беше станал беден засекогаш, тој исто ја бараше бедата на сето човештво. Затоа, ѝ рече на Ева, да, дури таа стара змија која е ѓаволот, кој е таткото на сите лаги, затоа рече: Земи од забранетиот плод, и нема да умреш, туку ќе бидеш како Бог, знаејќи добро и зло.

19 И откако Адам и Ева беа земале од забранетиот плод, тие беа истерани од Едемската градина, да ја обработуваат земјата.

20 И тие родија деца; да, дури семејството на сета земја.

21 И деновите на човечките деца беа продолжени, според волјата Божја, за да можат да се покајат додека се во телото; затоа, нивната состојба стана една состојба на проба, и нивното време беше продолжено, според заповедите кои им ги дал Господ Бог на човечките деца. Зашто Тој дал заповеди дека сите луѓе треба да се покајат; зашто Тој им покажал на сите луѓе дека беа загубени, поради престапот на нивните родители.

22 И сега, ете, ако Адам не беше престапил не ќе паднеше, туку ќе останеше во Едемската градина. И сите нешта кои беа создадени сигурно ќе останеа во истата состојба во која беа откако беа создадени; и сигурно ќе останеа засекогаш, и ќе немаше крај.

23 И тие ќе немаа деца; затоа ќе останеа во состојба на невиност, немајќи радост, зашто не знаеја беда; не правејќи добро, зашто не знаеја грев.

24 Но ете, сите нешта биле направени во мудроста на Тој кој ги знае сите нешта.

25 Адам падна за да можат луѓето да постојат; а луѓе постојат, за да можат да имаат радост.

26 И Месијата ќе дојде во целината на времето, за Тој да може да ги искупи човечките деца од падот. И заради тоа што се искупени од падот тие станаа слободни засекогаш, познавајќи добро од зло; да дејствуваат сами за себеси а не да бидат под дејство, освен ако е по казната на законот на големиот и последен ден, според заповедите кои Бог ги дал.

27 Затоа, луѓето се слободни според телото; и сите нешта им се дадени кои му се потребни на човекот. И тие се слободни да изберат слобода и вечен живот, преку големиот Посредник на сите луѓе, или пак да изберат заробеништво и смрт, според заробеништвото и моќта на ѓаволот; зашто тој бараше сите луѓе да можат да бидат бедни како тој самиот.

28 И сега, синови мои, би сакал јас да погледнете кон големиот Посредник, и да ги послушате Неговите големи заповеди; и да бидете верни на Неговите слова, и да изберете вечен живот, според волјата на Неговиот Свет Дух.

29 И да не изберете вечна смрт, според волјата на телото и злобата која е во него, кое му дава на духот на ѓаволот сила да заробува, да ве доведе долу во пекол, за да може да владее над вас во неговото сопствено царство.

30 Јас ви ги говорев овие неколку зборови на сите вас, мои синови, во последните денови на мојата проба; и сум го избрал добриот дел, според зборовите на пророкот. И немам друга цел освен вечната благосостојба на вашите души. Амин.