१ सुन, मेरा सेवक पिटर, अनि तिम्रा परमप्रभु अनि तिम्रा मुक्तिदाता येशू ख्रीष्टका वचनहरूमा ध्यान देऊ ।

२ किनकि हेर, म तिमीलाई स्पष्टता अनि शक्तिका साथ भन्छु, किनकि मेरा बाहु पृथ्वीभर फैलिएका छन् ।

३ अनि म तिमीलाई त्यो भन्दछु जुन कुनै मानिसलाई थाहा छैन, तिमी र म बाहेक—

४ किनकि धेरै पटक तिमीले सबैभन्दा मूल्यवान् तिम्रा लागि के हुन सक्छ भनेर मबाट जान्ने इच्छा गरेका छौ ।

५ हेर, यसका लागि तिमी आशीषित छौ र मेरा आज्ञाहरूअनुसार मैले तिमीलाई दिएका मेरा वचनहरू बोलेकोमा ।

६ अनि अब, हेर, म तिमीलाई भन्दछु, कि तिम्रा लागि सबैभन्दा मूल्यवान् कार्य यी मानिसहरूलाई पश्चात्ताप घोषणा गर्नु हो, ताकि तिमीले मकहाँ जीवात्माहरूलाई ल्याउन सक्छौ, कि तिमीले उनीहरूसँग मेरा पिताका अधिराज्यमा विश्राम गर्न सक्छौ । आमीन ।