१ एक ज्ञानका वचन, उच्च पादरीहरूको परिषद्को लाभका लागि, कर्टल्याण्ड र चर्चमा एकत्रित गरिएका र सियोनका सन्तहरू पनि—

२ आज्ञा वा बाध्यताद्वारा होइन तर प्रकाश र ज्ञानका वचनद्वारा; अन्तिम दिनहरूमा सबै सन्तहरूको सांसारिक मुक्तिमा परमेश्वरको रीत र चाहनालाई देखाउँदै अभिवादन पठाइएको छ—

३ प्रतिज्ञासहितको आधारभूत सत्यका लागि दिइएका, सबैमध्ये कमजोर अनि अति नै कमजोर सन्तहरूको क्षमतामा अनुकूलित, जसलाई सन्तहरू भनिन्छ वा भन्न सकिन्छ ।

४ हेर, साच्चैँ नै, परमप्रभु तिमीहरूलाई यसो भन्नुहुन्छ: अन्तिम दिनहरूमा षड्यन्त्र गर्ने मानिसहरूका हृदयमा भएका र हुने दुष्टताहरू र योजनाहरूको परिणामस्वरूप, मैले तिमीहरूलाई सचेत गराएको छु र तिमीहरूलाई प्रकाशद्वारा यो ज्ञानको वचन दिएर पूर्व चेतावनी दिएको छु—

५ ताकि जति जति मानिसले तिमीहरूका बीचमा मदिरा वा कडा पेय पदार्थ पिउँछन्, हेर, यो राम्रो होइन, आफूहरूलाई एकत्रित गर्दै उहाँसामु आफ्ना प्रभूभोजहरू अर्पण गर्नका लागि बाहेक न त यो तिमीहरूका पिताको नजरमा सही छ ।

६ अनि, हेर, यो दाखमद्य हुनु पर्छ, हो, दाखको बोटको अङ्गुरको शुद्ध दाखमद्य, तिमीहरू स्वयंद्वारा बनाइएको हुनु पर्छ ।

७ अनि, पुनः, कडा पेय पदार्थहरू पेटका लागि होइनन् तर तिमीहरूका शरीरहरू धुनका लागि हुन् ।

८ अनि पुनः, तमाखु शरीरका लागि होइन, न त पेटका लागि नै हो, अनि यो मानिसका लागि राम्रो होइन, तर विवेक र सीपका साथ घाउ र सबै बिरामी पशुहरूका लागि प्रयोग गर्न जडीबुटी हो ।

९ अनि, पुनः, ताता पेय पदार्थहरू शरीर वा पेटका लागि होइनन् ।

१० अनि पुनः, साच्चैँ नै म तिमीहरूलाई भन्छु, सबै स्वस्थकर जडीबुटीहरूको बनावट परमेश्वरले, प्रकृति र मानिसको प्रयोगका लागि नियुक्त गर्नुभएको हो—

११ हरेक जडिबुटी त्यसको मौसममा र हरेक फल त्यसको मौसममा; यी सबै विवेक र कृतज्ञताका साथ प्रयोग गर्नका लागि हुन् ।

१२ हो, जनावरहरूको मासु पनि अनि हावामा उड्ने चराचुरुङ्गीहरूको मासु पनि, मानिसहरूलाई आभार व्यक्त गर्दै प्रयोग गर्नका लागि म, परमप्रभुले नियुक्त गरेको छु; यद्यपि तिनीहरू संयमतापूर्वक प्रयोग गरिनु पर्छ;

१३ अनि यो मेरा लागि मनमोहक छ कि जाडो वा चिसो वा अनिकालको समयबाहेक तिनीहरू प्रयोग गरिनु हुँदैन ।

१४ सबै अन्न मानिस र जनावरहरू, मानिसका लागि मात्र होइन तर मैदानका जनावरहरू र स्वर्गका चराहरू र पृथ्वीमा दौडने वा घस्रने सबै जङ्गली जनावरहरूको जीवन निर्वाह गर्ने खानाका लागि प्रयोग गर्न नियुक्त गरिएको हो;

१५ अनि अनिकाल र अत्यधिक भोकको समयमा मात्रै मानिसको उपयोगका लागि यिनीहरूलाई परमेश्वरले बनाउनुभयो ।

१६ सबै अन्न मानिसको भोजनका लागि असल छन्; साथै लहराको फल पनि; जसले जमिनमा होस् वा जमिनमाथि फल फलाउँछन्—

१७ यद्यपि, मानिसका लागि गहुँ, गोरुका लागि मकै, घोडाका लागि जौ, चराहरू र सुँगुरहरू अनि खेतका सबै जनावरहरूका लागि रायो र सबै उपयोगी जनावरहरूका लागि जौ, अनि हल्का पेय पदार्थहरूका लागि साथै अन्य अन्न पनि ।

१८ अनि सबै सन्तहरू जसले आज्ञाहरूको आज्ञाकारितामा हिँड्दै, यी कथनहरूको पालना गर्छन् र पालना गर्न सम्झन्छन्, तिनीहरूको नाभिमा स्वास्थ्य र तिनीहरूका हड्डीहरूमा हड्डीको मासी प्राप्त गर्ने छन्;

१९ अनि यहाँसम्म कि लुकेका खजानाहरूसहित विद्वत्ता र ज्ञानको ठूलो खजाना पनि भेट्टाउने छन्;

२० अनि दौडने छन् र थकित हुने छैनन् र हिँड्ने छन् र बेहोस हुने छैनन् ।

२१ अनि म, परमप्रभु, तिनीहरूलाई एक प्रतिज्ञा गर्छु कि विनाश गर्ने स्वर्गदूत इस्राएलका सन्ततिहरूजस्तै तिनीहरूका छेउबाट जाने छन् र तिनीहरूलाई बध गर्ने छैनन् । आमीन ।