परमप्रभुले मलाई वा यस चर्चको अध्यक्षका रूपमा उभिने अन्य कुनैपनि व्यक्तिलाई तपाईंहरूलाई भ्रष्ट पथमा अगुवाइ गर्न कदापि अनुमति दिनुहुने छैन । यो योजनामा छैन । यो परमेश्वरको विचारमा छैन । यदि मैले त्यसो गर्ने प्रयास गरेँ भने, परमप्रभुले मलाई मेरो स्थानबाट हटाउनुहुने छ र त्यसरी नै उहाँले मानिसहरूका सन्ततिहरूलाई परमेश्वरका देववाणीहरू र उनीहरूको कर्तव्यबाट भ्रष्ट पथमा अगुवाइ गर्न प्रयास गर्ने कुनै पनि व्यक्तिलाई हटाउनुहुने छ । (चर्चको एकसठ्ठीयौँ अर्धवार्षिक साधारण सम्मेलन, सोमबार, अक्टोबर ६, १८९०, सल्ट लेक सिटी, यूटा । Deseret Evening News, अक्टोबर ११, १८९०, पृ. २) मा उल्लेख गरिएको ।

को जिउँछ वा को मर्छ, वा कसलाई यो चर्चको नेतृत्व गर्न बोलावट गरिन्छ भन्ने विषय महत्वपूर्ण होइन, तिनीहरूले सर्वशक्तिमान् परमेश्वरको प्रेरणाद्वारा नेतृत्व गर्नु पर्छ । यदि तिनीहरूले त्यसरी गर्दैनन् भने, तिनीहरूले यसो बिल्कुलै गर्न सक्दैनन् । …

मैले पछिल्लो समयमा केही प्रकाशहरू प्राप्त गरेको छु र मेरा लागि धेरै महत्त्वपूर्ण छन् र म तपाईंहरूलाई परमप्रभुले मलाई के भन्नुभएको छ भन्ने छु । मलाई घोषणापत्र भनिने शब्दावलीमा तपाईंको ध्यानाकर्षण गराउन अनुमति दिनुहोस् । …

परमप्रभुले मलाई पछिल्ला दिनका सन्तहरूलाई एउटा प्रश्न सोध्न भन्नुभएको छ, र उहाँले मलाई यो पनि भन्नुभयो कि यदि तिनीहरूले मैले उनीहरूलाई भनेको सुने र उनीहरूलाई सोधिएको प्रश्नको जवाफ दिए भने, परमेश्वरको आत्मा र शक्तिद्वारा, तिनीहरू सबैले समान जवाफ दिने छन् र तिनीहरू सबैले यस विषयमा समान रूपमा विश्वास गर्ने छन् ।

प्रश्न यो छ: पछिल्ला दिनका सन्तहरूले अनुशरण गर्नका लागि सबैभन्दा विवेकपूर्ण मार्ग कुन हो—राष्ट्रको कानुनको विरुद्धमा र ६ करोड जनताको विरुद्धमा बहुविवाह अभ्यास गर्ने प्रयासलाई निरन्तरता दिएर र सबै मन्दिरहरूको जफत र क्षतिको मूल्य चुकाएर र त्यहाँका सबै विधिहरू बन्द गराएर, जीवित र मृत दुबैका लागि र प्रथम अध्यक्षता र बाह्रका र चर्चमा परिवारका प्रमुखहरूलाई कैद र मानिसहरूको व्यक्तिगत सम्पत्ति जफत गराएर (जसले आफैँले अभ्यास बन्द गर्ने छन्); वा, यस सिद्धान्तको आज्ञाकारितामा हामीले जस्तै गरे अनि र भोगे पश्चात् यो अभ्यास बन्द गर्न र कानुनको अधीनमा रहन र त्यसो गरेर अगमवक्ताहरू, प्रेरितहरू र पिताहरूलाई घरमा छोडेर, ताकि तिनीहरूले जनहरूलाई निर्देशन दिन र चर्चको कर्तव्यहरूमा उपस्थित हुन सक्षम हुन सक्छन् र मन्दिरहरू पनि सन्तहरूको नियन्त्रणमा छोड्न सक्षम हुन्छन्, ताकि तिनीहरू जीवित र मृत दुबैका लागि सुसमाचारका विधिहरूमा सहभगी हुन सक्षम हुन्छन्?

यदि हामीले यो अभ्यासलाई रोक्न सकेनौँ भने वास्तवमा के हुन्छ भनेर परमप्रभुले मलाई दर्शन र प्रकाशद्वारा देखाउनुभयो । यदि हामीले यसलाई रोकेका थिएनौँ भने, तपाईंहरूलाई … लोगनको यो मन्दिर कुनै पनि मानिसहरूका लागि कुनै उपयोगी हुने थिएन; किनकि सम्पूर्ण सियोनको भूमिमा सबै विधिहरू रोकिने थिए । इस्राएलभरि भ्रमले शासन गर्ने थियो र धेरै मानिसहरू कैदी बनाइने थिए । सम्पूर्ण चर्चमा यो समस्या आइपुगेको हुने थियो र हामी अभ्यास रोक्न बाध्य हुनु पर्ने थियो । अब, प्रश्न यो हो कि यसलाई यसरी रोक्नु पर्छ, वा परमप्रभुले हामीलाई प्रकट गर्नुभएको तरिकामा अनि हाम्रा अगमवक्ताहरू र प्रेरितहरू र पिताहरूलाई स्वतन्त्र मानिसहरूका रूपमा र मन्दिरहरू जनहरूको नियन्त्रणमा छोड्नु पर्छ, ताकि मृतकलाई उद्धार गर्न सकिन्छ । यी मानिसहरूद्वारा आत्मिक संसारको कैद गृहबाट ठूलो सङ्ख्यामा बाहिर निस्किसकेका छन् र कार्य निरन्तर चल्छ वा रोकिन्छ? पछिल्ला दिनका सन्तहरूका अगाडि मैले यही प्रश्न राखेको छु । तपाईंहरूले आफूस्वयम् का लागि निर्णय गर्नु पर्छ । तपाईंहरूले आफूस्वयम् का लागि यसको जवाफ दिएको म चाहन्छु । म यसको जवाफ दिने छैन; तर म तपाईंहरूलाई भन्छु कि हामी जनताको हैसियतमा हामी त्यही अवस्थामा सुनिश्चित हुने थियौँ यदि हामीले अवलम्वन गरेको मार्ग नअपनाएको भए ।

… केही नगरेको खण्डमा के हुने छ भनेर भन्ने मैले निश्चित रूपमा देखेँ । लामो समयदेखि यो आत्मा मसँग छ । परन्तु म यो भन्न चाहन्छु: मैले सबै मन्दिरहरू हाम्रो नियन्त्रणबाट जान दिनुपर्थ्यो; मस्वयम् कारागारमा जानुपर्थ्यो र हरेक अन्य मानिस सबैलाई त्यहाँ जान दिनुपर्थ्यो, यदि स्वर्गका परमेश्वरले मैले जे गरेँ त्यो गर्न आज्ञा नगर्नुभएको भए; र जब समय आयो कि मलाई यसो गर्न आज्ञा गरिएको थियो, यो सबै मलाई स्पष्ट थियो । म परमप्रभुकासामु गएँ र मैले परमप्रभुले मलाई जे लेख्न भन्नुभएको थियो त्यो लेखेँ । …

म यो तपाईंहरूलाई दिन्छु, तपाईंहरूलाई मनन र विचार गर्नका लागि । परमप्रभु हामीसँगै कार्यमा हुनुहुन्छ । (क्यास किला सम्मेलन, लोगन, यूटा, आइतबार, नोभेम्बर १, १८९१ । Deseret Weekly, नोभेम्बर १४, १८९१ मा बताइएको ।)

अब म तपाईंहरूलाई बताउने छु कि मलाई के प्रकट भएको थियो र परमेश्वरका पुत्रले यस विषयमा के गर्नुभयो । … यी सबै विषयवस्तुहरू हुने थिए, जसरी सर्वशक्तिमान्परमेश्वर जीवित हुनुहुन्छ, त्यो घोषणापत्र नदिइएको भए । त्यसकारण, परमेश्वरका पुत्रलाई त्यो विषयवस्तु चर्च र संसारलाई उहाँको आफ्नै मस्तिष्कमा उद्देश्यहरूका लागि प्रस्तुत गर्ने चाहना भयो । परमप्रभुले सियोनको स्थापनाको उर्दी दिनुभएको थियो । उहाँले यस मन्दिरको निर्माण सम्पन्न गर्ने उर्दी दिनुभएको थियो । पहाडहरूका यी उपत्यकाहरूमा जीवित र मृतकको मुक्ति दिनु पर्छ भनी उहाँले उर्दी दिनुभएको थियो । अनि सर्वशक्तिमान् परमेश्वरले सैतानले यसलाई विफल पार्नु हुँदैन भनेर उर्दी दिनुभयो । यदि तपाईंहरूले यसलाई बुझ्न सक्नुहुन्छ भने, यो यसका लागि साँचो हो । (सल्ट लेक मन्दिर, अप्रिल १८९३ को समर्पणको छैटौँ सत्रमा सम्बोधनबाट । समर्पण सेवाको पाण्डुलिपि, अभिलेख, चर्च ऐतिहासिक विभाग, सल्ट लेक सिटी, यूटा ।)