१ हेर, तिमीहरू माझ अभिलेख राखिने छ; अनि त्यसमा तिमीलाई परमेश्वर पिताका चाहना र तिमीहरूका परमप्रभु येशू ख्रीष्टका अनुग्रहद्वारा एक द्रष्टा, एक अनुवादक, एक अगमवक्ता, येशू ख्रीष्टका एक प्रेरित, चर्चका एक एल्डर भनिने छ,

२ यसको आधार बसाल्न र यसलाई सबैभन्दा पवित्र विश्वासमा पवित्र आत्माबाट प्रेरित भएर निर्माण गर्न ।

३ जुन चर्च परमप्रभुको साल अठ्ठार सय तीस, चौथो महिना र महिनामाको छैटौँ दिन जसलाई अप्रील भनिन्छमा सङ्गठित स्थापित भएको थियो ।

४ यसकारण, तिमीहरू, अर्थात् चर्चले उनका सबै वचनहरू र आज्ञाहरूमा ध्यान दिनु पर्छ जुन तिमीहरूलाई उनले दिनेछन् जब उनले प्राप्त गर्ने छन्, मेरासामु पूर्ण पवित्रतामा हिँडेर;

५ त्यसैले तिमीहरूले सबै धीरता र आस्थाका साथ मेरा आफ्नै मुखबाट आएजस्तै गरी, उनका बचनलाई प्राप्त गर्ने छौ ।

६ अनि यसो गर्नाले, नरकका ढोकाहरू तिमीहरूमाथि विजयी हुने छैनन्; हो अनि परमप्रभु परमेश्वरले तिमीहरूका सामूबाट अन्धकारको शक्तिलाई तितरबितर पार्नुहुने छ र तिमीहरूका भलाइ र उहाँको नामको महिमाका लागि स्वर्गलाई हल्लाउनुहुने छ ।

७ किनकि परमप्रभु परमेश्वरले यसो भन्नुहुन्छ: मैले उनलाई उपकरका लागि शक्तिशाली सामर्थ्यमा सियोनको उद्देश्यलाई अगाडि बढाउन प्रेरित गरेको छु र उनको लगनशीलतासँग म परिचित छु र उनका प्रार्थनाहरू मैले सुनेको छु ।

८ हो, सियोनका लागि उनको रुवाइ मैले देखेको छु, अनि अब मैले उनले उनीको लागि अरू शोक गर्न नपर्ने बनाउने छु; किनकि उनका पापहरूबाट छुट्कारा र उनका कार्यहरूमा मेरा आशीषहरू प्रकट भएका कारण उनका खुशीका दिनहरू आएका छन् ।

९ किनकि, हेर, म तिनीहरू सबैलाई महान आशीष सहित आशीर्वाद दिने छु जसले मेरो अङ्गुरको बगैँचामा श्रम गर्दछन् अनि तिनीहरूले उनका वचनहरूमा विश्वास गर्ने छन्, जुन म मार्फत आश्वासीद्वारा उनलाई दिइएको थियो, जसले संसारका पापहरूका लागि, हो, पश्चात्तापी हृदयमा पापहरूबाट छुट्काराका लागि पापी मानिसहरूद्वारा येशूलाई क्रूसमा टाँगिएको थियो भनेर प्रकट गर्दछ ।

१० यसकारण यो मेरो चाहना हो कि तिमीद्वारा उनी, मेरा प्रेरित ओलिवर काउड्री नियुक्त गरिनु पर्दछ;

११ यो तिम्रा लागि एउटा विधि हो, कि तिमी उहाँको मातहतमा एल्डर हौ, उनी तिम्रा लागि पहिलो हुन्, ताकि तिमी मेरो नाम धारण गरेर ख्रीष्टको यस चर्चको एल्डर हुन सक्ने छौ—

१२ अनि चर्चमा यस चर्चको प्रथम प्रवाचक र संसारसामु, हो, गैह्र यहूदीहरूसामु; हो र यसरी परमप्रभु परमेश्वर भन्नुहुन्छ, हेर, हेर! यहूदीहरूलाई पनि । आमीन ।