खण्ड ७
अगमवक्ता जोसेफ स्मिथ र ओलिवर काउड्रीलाई दिइएको प्रकाश, हार्मोनी, पेन्सिलभेनिया, अप्रिल १८२९ मा, जब उनीहरूले उरीम र तुम्मिम मार्फत् सोधे कि यहून्ना, प्रिय शिष्य, शरीरमा बसेका थिए वा मृत थिए । यहून्नाद्वारा चर्मपत्रमा बनाइएको प्रकाश अभिलेखको अनुवादित र आफैद्वारा लुकाइएको संस्करण हो ।
१–३, परमप्रभु नआउञ्जेल प्रिय यहून्ना जीवित रहने छन्; ४–८, पत्रुस, याकूब र यूहन्नाले सुसमाचारका साँचाहरू धारण गर्छन् ।
१ अनि परमप्रभुले मलाई भन्नुभयो: यूहन्ना, मेरा प्रिय, तिमी के चाहन्छौ? किनकि यदि तिमीले के चाहन्छौ भनेर माग्यौ भने, यो तिमीलाई दिइने छ ।
२ अनि मैले उहाँलाई भनेँ: परमप्रभु, मलाई मृत्युमाथि शक्ति दिनुहोस्, ताकि म जिउन सकूँ र हजुरकहाँ जीवात्माहरू ल्याउन सकूँ ।
३ अनि परमप्रभुले मलाई भन्नुभयो: साच्चैँ नै, साच्चैँ नै, म तिमीलाई भन्छु, किनकि तिमी यो चाहन्छौ कि म मेरो महिमामा नआउञ्जेल तिमी बस्ने छौ र राष्ट्रहरू, कुटुम्वहरू, भाषाहरू र जनहरूका सामु अगमवाणी गर्ने छौ ।
४ अनि यस कारणका लागि परमप्रभुले पत्रुसलाई भन्नुभयो: यदि म चाहन्छु कि उनले म नआउञ्जेल बसोस्, तिम्रा लागि त्यो के हो? किनकि उनले मबाट चाहना गरे कि उनले मेरासामु जीवात्माहरू ल्याउन स सक्छन् तर तिमीले द्रुत रूपमा मेरो अधिराज्यमा मकहाँ आउने चाहना गर्यौ ।
५ म तिमीलाई भन्छु, पत्रुस, यो असल चाहना थियो; तर मेरो प्रियले चाहना गर्यो कि मानिसहरूबीच उनले यस अगाडि गरेका भन्दा धेरै वा अझ महान् कार्य गर्न चाहन्छन् ।
६ हो, उनले एउटा महान् कार्य गरेका छन्; यसकारण म उनलाई ज्वलन्त आगो र सेवा गर्ने स्वर्गदूत जस्तो बनाउने छु; उनले पृथ्वीमा बस्ने तिनीहरूको सेवा गर्ने छन् जो मुक्तिका उत्तराधिकारीहरू हुने छन् ।
७ अनि म तिमीलाई ऊ र तिम्रा भाइ जेम्सका लागि सेवा गर्ने बनाउने छु; र म नआउञ्जेलसम्मका लागि म तिमीहरू तिनलाई यो शक्ति र परोपकारका यी साँचाहरू दिने छु ।
८ साच्चैँ नै म तिमीहरूलाई भन्छु, तिमीहरू दुबैलाई तिमीहरूका चाहना अनुसार हुनेछ, किनकि तिमीहरूले चाहेका विषयमा तिमीहरू दुबै प्रसन्न छौ ।