Salamu kutoka Nikaragua!

Jifunze kuhusu watoto wa Baba wa Mbinguni ulimwenguni kote.

Nikaragua ni nchi iliyoko Amerika ya Kati. Takribani watu milioni 7 wanaishi huko!

Lugha

Jalada la Kihispania la jarida la Rafiki

Lugha rasmi ni Kihispania Baadhi ya watu pia huongea lugha za asili kama vile Kimiskito, Kisumo na Kirama.

¿Nahki sma?

Hiyo inamaanisha “Habari yako?” katika Kimisikito!

Kueneza Injili

Picha ya eneo la ujenzi wa hekalu na kielelezo cha watoto wakisoma pamoja

Wamisionari wa kwanza walikwenda Nikaragua mwaka 1953. Sasa kuna zaidi ya waumini 100,000 huko! Huko kuna hata hekalu lililo katika hatua za ujenzi.

Papa wa Ziwa Nikaragua

Picha za Ziwa Nikaragua na kielelezo cha papa

Papa aina ya Bull wanaweza kuishi katika maji ya bahari na maji baridi. Hii inamaanisha wanaweza kuishi katika bahari, mito na maziwa. Wao wanaogelea kutoka Bahari ya Atlantiki kupitia mto mrefu na kuishi katika Ziwa la Nikaragua.

Palo de Mayo

Picha ya nguzo iliyorembeshwa kwa riboni za rangi na kielelezo cha wingu la mvua.

Watu huko Nikaragua wanafanya sherehe kubwa ziitwazo Palo de Mayo majira ya mvua yanapokuja. Wanaupamba mti au nguzo kwa riboni za rangi nyingi na kucheza kuuzunguka na kuwa na burudani ya mwezi mzima.

Shughuli

Chuwis

Kielelezo cha maharage mabichi ndani ya kikombe

Chuwis ni mchezo watoto wanaoucheza huko Nikaragua Ili kuucheza mchezo huu unahitaji maharage mabichi (au vijiti) na shimo ardhini (au kikombe). Toa maharage matano kwa kila mchezaji. Mchezaji wa kwanza anarusha harage bichi ndani ya shimo moja baada ya jingine. Kama anakosa moja, wanasimama, na mchezaji anayefuata anaendelea. Mchezaji wa kwanza kuingiza maharage mabichi yote matano shimoni anakuwa mshindi.

Maelezo ya upishi

Gallopinto

Picha ya mlo wa wali na maharage meusi

Huko Nikaragua, watu wengi wanakula mlo huu wa wali na maharage kila siku. Hapa kuna toleo unaloweza kujaribu!

1. Pasha vijiko vya chakula 2 vya mafuta na ½ ya kitunguu cha njano kilichokatwa katwa. Koroga kwa dakika 5.

2. Koroga katika vikombe 1 1/2 vya mchele mweupe kwa dakika 2 hadi 3.

3. Ongeza chumvi na vikombe 3 vya maji. Toa mbegu za nusu ya pilipili hoho na iweke juu yake.

4. Funika na upike kwa dakika 15 hadi maji yawe yanakaribia kuisha.

5. Tupa pilipili hoho iliyopikwa na koroga katika vikombe 2 vya maharage mekundu au meusi yaliyopikwa na 1/2 kijiko cha unga wa kitunguu swaumu. Pika kwa dakika 10.

Hakikisha unapata msaada wa mtu mzima!

PDF ya hadithi

Vielelezo na Dave Klüg