Hosanna Ntsẽamu
Afei, mo nuanom na nkyerɛbaa adɔfo, ber a yɛrehyɛ Joseph Smith n’Enyido-adzehu a Odzi Kan a ohun Egya no na Ɔba no no ho fa no, yɛatse nkã dɛ ɔbɛfata dɛ yɛbɔmu dzi ehurusi ber a yɛma Hosanna Ntsẽamu no.
Ntsẽamu krɔnkrɔn yi wodzii kan maa no berano yi mu wɔ Kirtland Temple a worutu ahyɛ Nyame nsa mpaabɔ wɔ Ebɔw 27, afe 1836 mu. Afei wɔma no temple biara a worutu ahyɛ Nyame nsa mpaabɔ mu. Ɔyɛ nkamfo krɔnkrɔn ma Egya no na Ɔba no, a ɔyɛ dɔm no dza wɔkyerɛe ber a Agyenkwa no hɛɛn Jerusalem konyimdzi mu ara no. Osi dza aberantsɛba Joseph hunii dɛm da no wɔ Kwã Krɔnkrɔn no mu no pi—ɔyɛ, Egya no na Ɔba no yɛ Nyimpa-su beenu a enyimnyam efura hɔn a yɛsɔr na yɛtonton Hɔn.
Afei merebɛkyerɛ mbrɛ wosi ma Hosanna Ntsẽamu no. Mereyɛ no, moto nsa frɛ hɛn anyɛnkofo a wɔwɔ dawurbɔ edwuma no dɛ wɔnhwɛ ndzeyɛɛ yi dɛ adze krɔnkrɔn papaapa na wɔma no enyidzi na obu mu.
Nyimpa kor biara bɛfa hankitse fufuw, na oesuo n’ano kor mu no, na oehuw ber a yɛrebɔmu akã, “Hosanna nkã Nyame na ɔnye Eguamba no,” yebesi do mpɛn ebiasa, na Amen, Amen, na Amen” atoa do. Sɛ nnyi hankitse fufuw a, ibotum ato wo nsa ara.
Enuanom na nkyerɛbaa, afei moto nsa frɛ dɛ hom nsoɛr na wɔnkã Hosanna Ntsẽamu no ho, n’ekyir no wɔbɔtow “Hosanna Ndwom” no na “Nyame no Sunsum”1.
Ndwom kwankyerɛfo no ma sɛnkyerɛdze a, yɛserɛ hom nkã ho ma yɛntow “Nyame no Sunsum.”
Hosanna Hosanna, Hosanna nkã Nyame na Eguambaa no!
Hosanna Hosanna, Hosanna nkã Nyame na Eguambaa no!
Hosanna Hosanna, Hosanna nkã Nyame na Eguambaa no!
Amen, Amen, na Amen.