Anne C. Pingree
Kauoman ni Kauntira, n te Beretitentii ni Kabuta n aia Botaki Aine
Aen C. Binkurii e tatangiria ni kan wawareware. Ma e moamoa riki, e tangiria ni kan buokiia tabemwang ake a kan reirei ni wareware.
Ngke e mwakuri ma buuna, Tioti C. Binkurii, ngke e tararua aon Naitiria Mition, te Titita ae Binkurii e kabanea korakorana i aon katanoataan te rabakau ni wareware, ai moaraa riki nakoia tenan mataniwii. “N na bon aki mwaninga aron kakukurein aia reirei taari ngke a reiakina te wareware. Ngke a teirake n taian boowi ni kataneiai ao e kona ni wareki kiibu ibukin rongorongon mwiokoaia ni mataniwi, ao aine ake tabeman ake a mena ikekei a uoboiia, a rangi ni kukurei,” e taku te Titita ae Binkurii. “E kauka te aonnaba ae bwanin.”
Man ana beeba ae rietata ae te baetiera n te Ingiriti man te reirei ae rietaata i Utaa, te Titita ae Binkurii e a tia ni ibuobuoki ni kaira te reirei ni wareware mai Amerika.
“I taku bwa e anganiko te Uea maiuakinan aaro inanon maium bwa katauraoam ibukin bwaai ake a na roko n taai aika a na roko.” e taku te Titita ae Binkurii, are e karekea rabakauna n te wareware are e buokia ni katauraoia nakon weteana ae boou. Te riki bwa te Kauoman ni Kauntira n te beretitentii ni kabuta n aia Botaki Aine, e kantaningaia bwa e na teimatoa ni katanoata te rabakau ni wareware bwa ana waaki te Botaki n Aine ae e reitinako.
E reitia nako te Titita ae Binkurii bwa te mwakuri ma aomata man aaba nako a tia naba ni katauraoia n aanga aika raraoi. “Au karinerine, taratara, ma otau irouia aine n te aonnaba e a tia n rikirake. A reireinai n ae bati ibukin te onimaki ao te koaua nakon are I kona n reireiniia,” e taku.
Imwain mwakurina bwa te membwa n te baba n tararua n aia Botaki Aine, e riki bwa te beretitenti n te titeiki, te kauntira n aia titeiki beretitentii Aine aika Kairake, ao aia beretitenti kaain te Moanrinan e a tia n angan naba te Titita ae Binkurii ana tangira ae korakora ao te kamoamoa ibukiia ainen aia Ekaretia. “I kantaningaia bwa N na roko irouiia aine nikabane ao ni buokiia bwa a na namakinna bwa a rangi ni kakawaki i matan aia Uea. A tutuangiira burabeti bwa ngaira, aine aika iai tuaia, bon iai ara ibuobuoki ni karaoi katean taian abanuea ni boong aika kaitira. Ara ibuobuoki ae eti e kona ni karaoa te kaokoro nakon te aonnaba aio,” e taku.
Te Titita ae Binkurii e bungiaki n te Kaawa ae Taoro Reiki n 11 Tuun 1941 nakon Etira T. Ao Maute Erikirion Kiraaka. E mare ma buuna n te Tembora ae Taoro Reiki n te 1963. A karekeia niman natiia ao aman tibuia.