Te Unimwaane ae William R. Walker
Man te Itingaun

Ngke te kairake n ataei ni mwaane ngai n ara tabo ae uarereke Ibukia Aika Itiaki Ni Bong Aika Kaitira i Reimon, Arobeta, Kanata, ao Uriam Uooka a aki toki ni kawara mwengaia tibuna ae kaan. Ikekei, ao e tinetine iaon te o, bon tamnein te Moan Beretitenti. “I kona naba n uringa te tamnei arei. Bon iai ana kakai ae riki nakoiu inanon moan ririki aikai. I ikawai rake n tangiriia mataniwiin te Ekaretia,” e taku.

Te Unimwane ae Uriam R. Uooka e bungiaki n 25 Meei 1944 nakon J. Aeriti ao Beti Uratio Uooka. Imwin ana mwakuri ni mitinare ae bwanin ana tai i Tiaban, e nako n te reirei are e rietaata ae te Buringam Iang, ike e kaitibo iai ma buuna, Wiki Waen Waitinen. A bon mareaki n te Tembora n te kaawa ae Taoro Reiki n 10 Tuun 1968 ao a riki bwa kaaro aika niman natiia.

Imwiin ana anga beeba, ao te utu ae te Uooka a mwaing nako Waankawa, i Buritan, Kanata, ike e moana iai ana mwakuri n te bitineti ni kakaei bwa ngaia te warebwai. A maeka te utu ae te Uooka n te kaawa ae Taoro Reiki, Kaonkooti, Kareboonia, Taaunuoote, Tiotiia; ao Keniuoro, Irinooti, imwain okiran Uta n 1988. E beretitenti n te Subsidiary of the Amerikan Ekitibureti [Express] ao rimwi e taui nakoa n te tabo ae te ekitiekitiu (executiv) aika bon mwangan te kabanea ni bubura ni bangke n te aonnaba, Titiibangke ao te Bwakirei Bangke.

Te Unimwane ae Uooka e tangiria ni kan tararua te ue ao uaa ni kaai n ana tabo ni ununiki. Ngaia ma buuna a bon bati tibwangaia ake a na tabeakini n Ana Ekaretia te Uea. A bon weteaki naba bwa a na tararua te Mition i aon Tokio Tiaban Maiaki n 1990, ao bon ngaia naba te beretitenti n te Tiaenti Uta Kaotonuute Kuriiki Titeiki n te tai naba are e weteaki ngaia bwa te Kauoman Kooram n te Itingaun. Ai bon uatai ana tai ni bitiobi, ni riki bwa te kauntira ae rietaata, ao te tia tei ibukin te kamweeraoi n tabo.

E taku te Unimwane ae Uooka, “Te itera ae bubura inanon maiu bon au mition ngke te kairake n ataeinimwaane ngai,” “Beretitenti Ingkiri e kakawara Tiaban teniua te tai ngke I mena ikekei. Teuana mai ibuakon rokona e kawara mwengaia kaain te mition, ao e tuangai ma toau bwa ti na katauraoiira bwa ti na bon riki bwa bitiobi ao titeiki beretitenti. Aio are e rangi ni kamimi nakoira. Ma I rangi ni kakabwaiaaki n noora kakoroan bukin te kaungaunga ae rangi n tamaroa mai roun Ana burabeti te Atua.”