Mataniwi ni Kabuta n Aono, Te Beretitenti ni Kabuta n aia Botaki Aine are e Weteaki

Te Mataniwi ni Kabuta ake a tibwa weteaki, Mataniwiin te Aono n te Itingaun, ao kaain te beretitentii ni kabuta n te Botaki n Aine a na kamatoaki n 6 Eberi i nanon te Ka-17 ni Maungatabu ni Kabuta n te Ririki.

Unimwaane aika Tierata N. Rante ao Uriam R. Uooka a weteaki bwa a na ibuobuoki n te Kauoua ni Kooram n te Itingaun. Booni D. Bwaakin e weteaki bwa te beretitenti ni kabuta n aia Botaki Aine, ma Kateriin H. Eketi bwa te moan kauntira ao Anee C. Bingiri bwa te kauoman ni kauntira.

Teningaun Mataniwi n te Itingaun aika a weteaki — 13 mai Amerika, uoman mai Buraetiro (Brazil), uoman mai Tiaban, ao kaka temanna mai Atientina, Aotiteria, Borowia (Bolvia), Tiiri (Chile), Ekuetoa (Ecuador), Engiran, Kaana (Ghana), Ong Kong, Korea, Nutiran, Barakuei (Paraguay), Beru (Peru), ao Urukueei (Uruguay).

N ana taeka ni kaukuuki Beretitenti Koton B Ingkiri ni ingabongin te botaki n te Kaonobong, e taekina reitan rikiraken te Ekaretia. E kotokotoi bwaai ake a kakukurei n te Ekaretia ake a butimwaeaki mai rouia tebubua tenga iruwa, mataniwiin te tautaeka, ao taan kareke rongorongo ngke a kawara te Kaawa ae Taoro Reiki ibukin te Kabo n te Takakaro n te Orimbiki. E taekina naba nakoraoin ao rikiraken te Mwane ni Buoka ibukin te Reirei are e katanoataaki n Eberi ae nako, are e tabe ni buokia 2,400 kairake aika a Itiaki Ni Bong Aika Kaitira n aaba aika rikirake n te aonnaba ibukin karekean aia reirei.

Ni botakin te nakoa ni ibonga, Beretitenti Ingkiri e kamatoa ana taetae ni kaitara aron bwainikirinaia ainenumwa, kaara, ao ataei. “Bon te bwai ae aki kona ni kaaitaraaki ke ni tukaki,”e taku.