Ti Tarataraa Kristo
Kaanga aekan itoin te bore meang i karawa,…are e tei kaanga te Tia Kamaiu i bukin te aonaba, Natin te Atua, are ngaia bon angkaan ni maiura are e akea tokina.
Tariu ao Mwaneu aika kam tangiraki, Ngai naba ae I kan anga au karabwarabwa ae nano i bukin aia i buobuoki ae raka raoiroina Titita Timuuti, Titita Tientin, Titita Tiu, ao nakon aia taibora, n aron aia beku ni kakaonimaki i nanon aia bootaki aine. Bon te rabwata ni bootaki ae rangin tamaroa, 4,900,000 ae rangin matoatoa. I taku bwa bon akea kabotauan arona, i aon te aonaba aei, bwa e riinga aron kabanean tamaroan maiuia aine n taabo nako n te aonaba. Kam rabwa, mwanera, n aron bwaai ake kamwa a tia ni karaoi. Te butimwaai nakoimi, Titita Bwaakin ao am kauntira, ao nakon te taibora are kamwa a tia n rineaki nako iai.
Ti na kaina te botaki ni maungatabu ae korakora aei. Ti kimwareirei n te botaki ni baka n amwarake ae moani baan te raoiroi man a na taibora te Uea. Ti a tia n reireiaki ni Kawaina ao ni Katotongana.
Ngaira aikai ti riai riki n tamaroa i mwiin rinanoakin karaoakin aei. Bwa rimwi, botakira aei e na bon riki ni korakora ni maraki.
Ni kainan te kuaea e na anenea,
“Tiku i rou, ‘bwa e a kani bong.
E a nako te bong;
Nuun te bong e bwakarai;
E a roko te bong.
E roko i nanou kaanga te irua,
I nanoni mweengau.
Te Tia Kamaiu, tiiku i rou;
Noora, ‘Te bongi n roo”
(Anene n Taromauri, Numba. 165).
Anne are e ikotarake ara namakin i nanora ni bwaai ni kabane ake a tia n taekinaki ngkana ti okira mwengara.
E bia irira Tamnein te Uea ao n tiku ma ngaira. Ti ataa anne bwa e wene i mwaira. Ti aki a taia bwa tera uotan boong aika i mwaira. Ti maeka n te aonaba n aki atatai. I bukin tabeua, iai bwaai aika koro bukia. Tabeman, iai te aki kukurei. Tabeman, iai te kimwareirei ao te kukurei, te marurung, ao te maeka ae nako raoi. Tabeman, teutana te aoraki ao te rawawata. Ti aki a taia. Ma iai te bwai teuana ae ti ataia. N aekan te bore n itoi i karawa, e ngae ngke tera ae na riki n taai aika a na roko, e tei te Tia Kamaiu i bukin te aonaba, Natin te Atua, ae e boni koaua bwa ngaia angkaan maiura n aki toki. Boni ngaia te bwa ni kamaiuakira, korakorara, raura, kiingin ara onimaki.
N te riringa ao n te nuu ti Taraia, ao E mena i kekei mani koaua ao ni ngare nakoira. Boni ngaia kiingin ara nebonebo. Boni ngaia Natin te Atua ae maiu, ana Karimoa Nati te Tama, te Riki Temanna, are e kiitana mweengana n uea i eta ao ni bungiaki nakon te rabwata ni mangori. I bukin marooana Ni Maiuna E taku, “Boni iai bangaia arobete, ao ngaoia manin an- nang; ma akea neni kawenean atun Natin te Aomata.” (Mataio 8:20). “Are e nakonako ni kakaraoa ae raoiroi” (Makuri 10:38).
Boni ngaia te mwaane i bukin karaoan kakai. E rootia naake a kainnano. E kamarurungia aoraki ao ni kautia maate. Ma te tangira ae uotia nakon te aonaba, E ribaaki ao e kakiaki i rouia aomata; te aomata ae nanokawaki, ao e ata naba te rawawata: … E riribaki n ai aron temanna ae a karaba mataia aomata nako ina, (tara Itaia 53:3).
Ti tan rikaki n taraa Maiuna ae boraoi ao n taku ma te Burabeti ae Itaia: “E a tia ni bungiaki ma kainnanora, ao n uouoti rawawatara… .
“E waraki i bukin ara bure, e babangaki i bukin ara buakaka: e mena i aona te boaki are e reke iai ara raoi; ao ti kamaiuaki n oreana.” (Itaia. 53:4–5).
Ngke e boo te bobuaka i karawa, Rutibero, Natin te Karangaina, e roko ma ana baire ae aki butimwaeaki. Tamara i bukira ngaira ni kabane, ma a na tangira i bukin natina ni kabane, e anga a na baire ae tamaroa are ti na kona iai n inaomata n rinerine i bukin maiura. A na Moan Nati, Tarira ae I kawai, boni ngaia kiingin te baaire anne. Aomata a riai n iai inaomataia, ao ni inaomataia anne a na kona ni bukinaki. Aomata a na kona n nakonako ni kawain te aonaba ao a na bwaka ao ni bure. Ma Natin te Atua e na uotia I aona n rabwatana, ao n anga Ngaia bwa te karea i bukin kamaiuakia aomata man aia bure. Taekinan nanon te korakai E na riki bwa te Tia Kamaiu ae korakora, i bukin te aonaba.
Ara a tatai aika a uarereke i bukin aki kona ni kabotauan te bwaintituaraoi, te bwaintituaraoi i bukin te kamaiuaki, ti bobaraaki ma te karinerine I matana.
N te Ekaretia iai taan kabuakaka, aika mwaiti. A taku bwa ti aki kakoaua te maiu ni Kiritian i bukin Kristo. Iai kaitaaran ni bwaai ake a taku. Ara onimaki, ara a tatai ti aki oin katei rimoa, ara koaua e warekaki man te atatai ae e aki kona ni kabwarabwaraki i rouia aomata ngke e kananonaaki bwa utin Kristo. Ara onimaki, ara atatai e roko man aia koaua ara burabeti n taai aikai ngke a nooria n tei i matan Atuan te aonaba Natina ae Tatangiria, are e a manga uti te Uea ae Iesu Kristo. A taetae nakoina. E taetae ma ngaia. E taetae nakoia n aki karaba, ni kaineti, ao n aki mama i bukin te bwai ae nooria ae korakora. Bon te mwaaka n nooraba i bukin Te Tia Kamaiu i bukin te aonaba, e mimitong i aon ana atatai ma e koaua mani matata nakon rabakaura are e uotaki. E riti nanikun te atatai, ae unikaki ni kananoaki i aon tano i bukin kaotioti n taai aikai, bwa ngaira, n ana taeka Nibwaai, “taekina Kristo, kimwareirei i roun Kristo, ti tataekina Kristo, ti taetae ni burabeti i bukin Kristo, ao ni koroboki n aekaia burabeti, bwa [ngaira]ao natira ti na ataia [bwa] ti na tara aron kabwaaran [ara]bure” (2 Nibwaai 25:26).
Ngaiare, tariu ma mwaneu, ngkai ti nang a tonga te kaboo nakoimi n te tai aei, ti kaoka ara koaua ae matoatoa. Ti karaoia n tatabemanira ma te koaua i bukin te atatai. N aron are I a tia n taekinna ni kaokiokia, ao ngkai I a manga taekinna riki, I a taia bwa te Atua bon Tamara ae akea Tokina ae maiu. Boni ngaia Atuan te aonaba. Boni ngaia Taman tamneira are ti taetae nakoina n ara tataro.
I a taia bwa Iesu Kristo bon te Riki Temanna, Te Tia Kamaiu n te aonaba, are e a tia n anga maiuna bwa ti a oria ni karekea te maiu are akea tokina are e tautaeka ao n Uea ma Tamana. I a taia bwa okoro rabwataia nakai, ao a maenako ma ti te boo aroia ni bwaai tabeua ao bukinaia. I a taia bwa bon ana mwakuri Teuare E Rietata “n uota kamaiuaia aomata man te aki mamate nakon te maiu are akea tokina” (Mote 1:39). I a taia bwa Iotebwa Timiti bon te burabeti, bon te burabeti ae korakora i nanon taai aikai ma i rouna ao te koaua e roko. I a taia bwa te Ekaretia bon ana mwakuri te Atua, e taraia ao ni kairaki i roun Iesu Kristo, n arana ae tabu e kakoaua.
I bukin bwaai nako I kakoaua ni katabui ao ni katikui i roumi, raraou aika I tatangiria, au tangira ao au kakabwaia, n aran Iesu Kristo, ae tabu, amen. Te Atua I roumi ni karokoa ti a manga kaitibo rimwi.