Te Takakaro ae te Paralympics ae Karaoaki Taoro Reiki n tain te Kamwaitorotoro

Te nano i bukin te takakaro ni kaboo e waaki n te kaawa ae Taoro Reiki are e tabeakiniia taan takakaro n te Paralympic n 2002 n tain te Kamwaitorotoro n 8–16 Maati. E raka i aon 4,000 mwaitia taan i buobuoki ao teuana te ngaa aomata ake a roko ni bukamarua aron te korakora nakoia taan takakaro aika ake aki bati n toamau rabwataia aika roko man te aonaba ake a kona ni katia takakaro ake a karaoaki i aon te tino, n aekan te tikii, te oki, ao ao te rinanon taian kaawa n aia kau aika okoro aron teia.

KABUTAN KAURAAN TE AI

N Maati 7, te Moani Beretitenti ao kaain te Kooram ni Katengaun ma Uoman n Abotoro a tei i matan ana Kateitei te Ekaretia ao ni bwaatina kauraan te ai i bukin te takakaro anne. A e tei i aon te kaintamwarake, te Moani Beretitenti ngke e butimwaea te ai ma i roun teuare e kaura te tooti ae Kaeri Tinuuti man te kaawa, ae Park i Uta. E anga te tooti te aine anne nakon Beretitenti ae Tiemti E. Bauti, Te Kauoman ni Kauntira n te Moan Beretitentii, are e a manga angan Beretitenti Koten B. Ingkiri.

Beretitenti Ingkiri e taua i eta te tooti nakoia taan roko ni mataku bwa a na nooria. “Kambutimwaeaki, kambutimwaeaki, nakon te takakaro aei, nakoia taan takakaro aika a rangi n rine nako aroia!” e taku. “Waaki nako! Tokanikai n te kaboo! Taua te tokanikai! Kukurei, kukurei. Ngaira ma ngkami. Ngaira aikai ti kimarimari i bukimii. Ti tangiri ngkami bwa kam n na tokanikai, ao ara kaantaninga bwa te tai ae kakannato man tamaroa i bukira ni kabane ma naake a takakaro. Ngkami ni kabane kam n na bon tokanikai. Ureei!”

Beretitenti Ingkiri e bwaatina te tooti nakon Mwakureti Titooki man te kaawa ae Burikam man te Kauoua n Uoote, Te Kaawa ae Burikam Iang n Ana Baoki te Titeiki, are e a uotia ni kawaina.

TAAN TAKAKARO

I buakoia 1,000 taan takakaro man aba aika 36 aika karaoa te kaboo i Taoro Reiki 2002 n te takakaro ae te Paralympic n tain te Kamwaitoro iai uoman Aomata aika Itiaki ke kaain te ekaretia i buakoia. Reiti Euota, ae 22 ana ririki ae kaain te ekaretia mai Mounti Maokanii Uoote, man te Titeiki ae te Airaen Uta i Mainuku, e bua maakuna ao e tikii (buti) i aon te tino ao angiia raona a ira te kabo n 11–14 ni Maati, a reke i rouia kaniwangaia aika uoua te buraonti ae te metera ibukin aia kaboo aine n te buti iaon te tinon n ti teuana te kai.

Titita Euote ae ai tibwa 18 a na namwakaina ngke e a reke naba nakoina te kabuanibwai nakon rabwatana are tiku naba iai n toaraa rabwatana. Ma aki toamauna aei e bon aki katoka a na kaantaninga nakon are e iangoia ni “karaoan te kabanea n tamaroa i bukina.”

“E a tia ni mwakuri korakora ni karokoa n tokin are e kaantaningaia ni karoan te takakaro aei, I namakina te kukurei n rokou ikai, ao ni karekean te korakora ao te kimwareirei i bukin te kaboo aei, ao ni karaoia.”

Teuae Kiiti Bwanii, ae kaain te ekaretia man te Arobain n te ka 11 n Uoote, Areboin n te Titeiki i Uta, e ira te kaboo ibukin nimaua te kiromita ni karaoan te kaboo rinuukan te kaawa ao karaoan te tikii n tekateka n aia kaboo mwaane. Bon te tia kaboo naba teuaei n te uaia n te bwaatika te toutou are ira naba ana tiim Amerika n te Paralympic team.

Te Tari ae Bwaani e bua kabonganaan rangana n te kabuanibwai are riki nakoina ngke ai14 a na ririki. N taai aikai ao e mwakuri n te tienta i bukin kamarurungaia mwauku n te Kuura N te Reirei ae Rietata i Uta. E reireiniia aomata ake a boou ake a tibwa reke i rouia toaraan rabwataia ao a kaanga ni karaoi bwaai aika mwaiti, ni kamanenaa maiuia.

TAIN TE TAKAKARO N TAIN TE KAMWAITORO I BUKIN TE ORIMBIKI AE A TIBWA BAIREAKI

Ni ikotaki ma taian takakaro n te Orimbiki are e e na karaoaki n Tuun 2002 Riaona, Kuuin Wiira, n te ririki ae 28, kaain te ekaretia man te Uoote ae 39 Teiratiwiu, Teiratiwiu Titeiki i Maiaki, e tei i bukin Amerika n te Aba ae Veetin ae ngaia kaain te tiim n takakaro ae te bobsled. Te tari ae Wiira e taua te takakaro anne ngke e mena n te reirei ao e taneiai ni kakaraoia ngke ngaia kaain te tiim n te aba ane Veetin ngke e mwakuri i Santo Tomati i nuukan te ririki ae 2000. E kaina te tiim aei ngke e a tibwa moanna ni waakinaki n aki kaantanigaaki.