Moan Reirei Tabeua man Rongorongon Iotebwa Timiti

Te Unimwaane ae Carlos H. Amado

Man n te Itingaun

Te rairaki bon te bwai ae onoti ao te mwakuri n tamnei. Ni kabane ngaiira ti na riai ni kaaei raoi kakawakin koaua aikai ibukina.

E koreaki rongorongon Iotebwa Timiti n te aro are e na tibwaua taekan kaokakin te Ekaretia inanon Boong Aika Kaitira. Oin te kantaninga n te karaki bwa bon kaotaakin kakoauakin a na berita te Uea, ao te bwai ni ibuobuoki ae kakukurei n akea te nanououa iai irouia naake a kakoaua.

I a tia ni warekia n te tai ae mwaiti ao n aanga riki aika kakaokoro. E anaa nanou ngke tetei ngai; bon te bwai ni kairiiri ao ni ibuobuoki ae kakorakorai ngke te kairake ngai; I tibwauaia ma te ninikoria ao ni bane nanou ni karaoia ngke te mitinare ngai; ni karokoa ngkai, ni waaki nako ni kaonai n te mimi ma nanou ni kabane ae kakaitau. Man te tai are e moan taua mwiina iai Iotebwa Timiti, ao e tiku bwa te kakabwaia ao te bwai n tituaraoi n te onimaki, bwaai aika ti karekei ake a tia n riki mai imwaiina, ibukin ae bon te tia kakoaua raoi; bon te kakaoo ae tabangaki nakoia naake a ukoukora te koaua, ao te kakatai ae bwai nakoiia naake aki kakoaua.

Nakoia naake a tuai ni kaaina te Ekaretia, Au katautau bwa kam riai ni wareka a na koaua Iotebwa Timiti ma te nano n tauraoi n ongora. Kam na namakina a na koaua raoi ao ni kunea kateakin te Ekaretia, ni kaokaki n te aro ae kamimi!

E ngae ngke iai ae tau te tamnei inanon te karaki ae kakukurei aio, ao N na riai n tiatiana au taeka n tibwauan nimaua kakawakin koaua ake, a tia ngkoa naba ni karaoi ibukin te Burabeti, are a na buoki ngkami n ataa te Atua.

KAKAWAKIN KOAUA 1: KAREKEA NANOM AE KORAKORA N ATAA TE KOAUA

Iai nanon Iotebwa Timiti ae korakora n ataa te Atua ao ni karaoa are E tangria. Kam konaa ni karikirakea te aeka n nano anne, ao te Atua e konaa ni kairi ngkami nakon te koaua. Ngkana kam kinaa te koaua anne, karaoi ni kabane ake kam konaa ni karaoi ni maiuakina maiu ni kaineti ma ngaia.

KAKAWAKIN KOAUA 2: REIAKINA KAKAWAKIN WAREWARE NI KOROBOKI AIKA TABU

Iotebwa Timiti e ataai Koroboki aika Tabu ibukina bwa e kamatebwaii. E taku: “N te bong teuana ao I wareware n A na reta Bauro nakon Iakobo, te moan mwakoro ao te kibu nimaua, ae e kangai taekana: Ngkana akea ana rabakau temanna i buakomi, ao e na butiia te Atua, ae tituaraoi n anganganiia aomata ni kabaneia, n aki ngurengureakiniia; ao e na bon anganaki.” JS—H 1:11).

Inanon a na tai ni mwakuri ae uarereke, Iotebwa Timiti e karekei naba aika mwaiti kakawakin riki kaotioti ao anne are riki imwiin warekan koroboki aika tabu. Kam kainnanoi ni wareki koroboki aika tabu n te aro are kam aonga n ataa te Atua, are ngaia are kam na atai koaua ni kabane mai I rouna.

KAKAWAKIN KOAUA 3: REIAKINA KAKAWAKIN TE TATARO

E taku te kairake are Iotebwa:

“N tokina ao I a roko ni kabaneana are N na riai n ae tao n na tiku n te rotongitong ao te aki ataa ae ti na kaoia, ke tao N na riai ni karaoa are tuangai Iakobo, ao anne, are n na titiraki iai te Atua”…

“… Anne au moan tai ni maiu are I a tia ni kataia ni karaoa au kabanea ni konaa, inanon ingaingan nanon are tabetabe are I bon tuai mani karaoa au kabanea ni konaa n tataro ni kabaibati bwaanau.

“… I katorobubua i aontano ao ni moanna n anga nanou ae korakora nakon te Atua… .

“… I a tia ni kunea a na koaua Iakobo bwa e bon koaua— bwa ngkana akea wanawanan te aomata a na konaa ni butiia te Atua, ao ana anganaki, n aki ngurengureakinaki” (JS—H 1:13–15, 26).

Tamara are i Karawa, bon te tama ae kororaoi, e bane n atai kainnanomi n tamnei ao n rabwata, ao e tangiria ni kakabwaiai ngkami, ao anne bukin are E a tia n anganii ngkami iai tua bwa kam na ukoukoriia ao n titirakinna.

E riki n ataa te koaua Iotebwa ibukina bwa e tataro. Inanon ara bong, ao mirion kaain te Ekaretia aei are a kakoaua raoi manga Kaokakina, ibukina, bwa irakin te reirei ni ibuobuoki, a na bubutia iai te Uea ma aia onimaki. Ti tebo naba te kariaiakaki are kam na karekea iai te kaeka nakon ami tataro, ibukina bwa te kakoaua bon te bwai n tituaraoi are tii anga te Atua nakoiia naake a bubutii ma nanoiia raoi ni koaua. Kataia ni karaoia, ao te berita e na kakororaoaki bukina.

KAKAWAKIN KOAUA 4: KAREKEA TE KAKABWAIA MAN TE MWAKURI MWAAKA

Iotebwa Timiti e mwakuri mwaaka n tainako; ni iango, ni ukoukorii moan rikin bwaai, ni kabotau, ni kataia ni karekei taian kaeka nakon are e warekii man koroboki aika tabu. E taku:

“Inanon te tai are e korakora iai kukureiu ao e a kairaki au iango nakon bwaika a tia n riki ao n nang aki karau nano… .

“… I taku nakoiu n tainako: … Antai mai i buakoiia koraki aikai aika eti; ke, a bure ni kabane? Ngkana iai teuana ae eti mai i buakoiia, ao antai, ao N na kanga n ataia? …

“Akea ae e a tia riki man te kibu ni koroboki aika tabu are roko ni mwaaka nako nanon te aomata are e a tia n riki n te tai aei nakoiu. E tara n ae roko n rin ma te kairoroaki ae korakora man a na namakin ni kabane nanou. I oki rikaki nako iai ni karaoia ao ni manga karaoia riki”(JS—H 1:8, 10, 12).

Ni mwakuri mwaaka ibukin te koaua are akea tokina bon te iango ao te titiraki nakoiira, are e a okioki man okioki: “N na kanga N ataia?” “Ao a na kanga n ataia tabeman?”

Kam na kanga ni karekei bwaai aikai? Taiaoka ni mwakurii mwaaka n taua ma nanomi ae korakora.

KAKAWAKIN KOAUA 5: KAREKEAN TE KUKUREI N NAKO NAKON TE TAROMAURI

Ma nanona ae e korakora n ataa te koaua, ao Iotebwa Timiti e nako ni kawarii ekaretia aika mwaiti inanon a na kawa. Ibukin a na koaua iroun te Atua te Tama ao Natina are Iesu Kristo, e karauii ni kamatatai kaetieti ake e karekei ibukiia ekaretia riki ake tabeua:

“I tititraki nakon te Aomata ae Kakawaki are e tei i etau inanon te oota, ao ni kabane naake iai aia koaua n te aro (bwa n te tai aio ao e bon tuai man n roko inanou bwa a bane ni bure ni kabane)—ao e ngaa ngkanne are N na riai ni iria… .

“… Bon tiaki tabeu bwa n na riai ni ira teuana mai i buakoiia, ma n teimatoa n tiku n arou ni karokoa te tai rimwi are N a tuangaki iai.” (JS—H 1:18, 26).

Ngaiira ni kabane ti kainnanoa ataakin Abanuean te Atua iaon te aba ao ni karekei koauan koauana. Ti nako n taromauri bwa ti na namakina te Tamnei, n reiakin A na reirei, ni kaboui ara berita aika tabu, ao ni karekei taian otenanti ibukin te kamaiuaki ao te karietataki n oki nako matan te Atua ma ara utu. Kam bane ni kaooaki n roko nakon te taromauri ao ni karekei ami atatai i bon iroumi ibukin bwaai ni kabane aikai.

Te rairaki bon te bwai ae onoti ao te mwakuri n tamnei. Ni kabane ngaiira ti na riai ni kakaei raoi kakawakin koaua aikai ibukina. E aki tau karaoakin te kakatai ae mamara, n raonaki ma te nanououa, te maaku, ke akea n te onimaki. E berita nakoiira te Atua, ibukin A na nanoanga, bwa E na bon kaekai ara bubuti ni kaineti ma ara koaua. Bon ti naake a ukoukoriia raoi ma nanoia ni koaua ae a na karekei aia kaeka, bwa bwaai n tituaraoi mairoun te Atua, rinanon te Tamnei ae Raoiroi.

Te Tamnei ae Raoiroi e aranaki naba bwa te tia Buobuoki temanna ao te tia Kakoaua. Iai ara rabakau iroun te Tamnei ae Raoiroi ao ara koaua bwa te Kristo bon Natin te Atua.

Imwiin are kam a tia ni bwabwetitoaki, ao ngkana kam tiku n tau ao n onimaki nakon ami berita aika tabu, ao a na reke iroumi a na kairiiri te Tamnei ae Raoiroi, rinanon a na wirikiriki, n rotaki n te kukurei, namakin, taian mii ao kauring.

Rongorongo ao koroboki aika tabu a tuangiira aomata aika ongo, aika taetae ke n anga riki tabeua iai aia koaua aika onoti ibukin ae bon iai te Atua ao A na babaire ibukin kamaiuakira. Ma e ngae n anne, ao a mwaiti aika aki tiku ni koaua nakon aia koaua.

Ti reireinaki n aei bwa aio tiaki are ti reiakinna rinanon ara namakin n rabwata ma anne are e roko man a na kairoro te Tamnei ae Raoiroi are e konaa ni karekea ara tai n ataa A na kantaninga te Atua ao ni Iriia.

Ngkana temanna e a tia n reiakinii moan kakawakin koaua aikai ao n toki ni kataneiai nako iai, e na kabua te oota ao te kaetieti are e na buokiia bwa e na ataa te Atua ma A na burabeti. Te tiaina are ti nooria itinanikuna bon kaokoroakiia, n aki nang ni kakaonimaki ke n aki kakorakorako n tokanikai nakon te Ekaretia. Te tiaina are inanona bwa a tia ni kamauna te kataneiai teuana ke aei e raka riki nakon bwaai aika nimaua aikai:

1. Bon akea riki nanoia ae korakora n atai koaua ni kabane.

2. Aki manga wareki riki koroboki aika tabu.

3. Aki manga tataro.

4. Aki manga mwakuri mwaaka ibukin koaua aika akea tokiia.

5. Aki manga nako nakon te taromauri.

Bon te kamimi bwa inanon taai aika e korakora iai te nanououa ibukin taian aro, ngke e tuai ni koro te 15 a na ririki, ibuakoiia taan kaitara ao ibuakoia naba taan kaeti tua, ao Iotebwa Timiti e karaurau ma wanawanana ni kaota te ongeaba ao ni kaota nakoiira te kanikina ae moan te mwakuri ni kaniira nakon te Atua.

Te mwakuri aio are e kantaningaiira bwa ti na reiakina, te tua iaon te tua, teutana ikai, ao teutana ikanne, ni karokoa ae ti karikirakea te onimaki ao te oota raoi ibukin kairakira ae kakawaki maiorun te Atua.(tara 2 Nibwaai 28:30).

Bon oin tabera bwa ti na kakorakoraiira, n te bong teuana ma teuana, ni katoa bong, te namakin are ti namakinna rinanon te Tamnei, e teimatoa ni kaeti nakon kakawakin koaua aika nimaua aikai.

Au tataro bwa ti na riai ni karaoa aio, tainako, n aran Iesu Kristo, amen.