Te Unimwane. Oukiti ao te Unimwaane ae Oran a na ibuobuoki ibuakoia Aomata Aika Itiaki aika Kaain te aba

Ni moa man Aokati, Te Unimwaane ae Taarin H. Oukiti ao Teunimwaane ae Tieburii R. Oran man Aia Kooram Abotoro ake Tengaun ma Uoman a na mwakuri ni ibuobuoki i tiananikun Amerika n te maan ae teuana te ririki. Te Unimwaane ae Oukiti e na riki bwa Beretitentin te Aono i Biribin, ao Te Unimwaane ae Oran e na riki bwa Beretitentin te Aono i Tirii.

Rineaia naakai e mwaakena te moan tai ae uabwi te ririki n nako ibukia kaain te Kooram n te Tengaun ma Uoman n Abotoro n tia ni maeka ao n riki bwa taan tararua i tinanikun Amerika. Te Unimwaane ae Etira Taebu Bention (1899– 1994) ao Te Unimwaane ae Mareko E. Bitatin (1900–84) a riki bwa Abotoro n tararua ibukin taian Mition i Eurobe ao Eurobe Maeao n aron are e a tia ni baaireaki. Te Unimwaane ae Tawita O. Makeei (1873–1970) e a tia naba n riki ngaia bwa te beretitenti n te mition ngke e riki ngaia bwa kaain te Kooram n te Tengauni ma Uoman n Abotoro, ao e tararua te Mition are i Buritan ni moan 1920.

Rinean Te Unimwaane ae Oukiti ao Te Unimwaane ae Oran bwa Beretitenti n Aono e boboto i aon kaitaraan ana kanganga te Ekaretia ake e a tia ni kaaitara ma ngaai i nanon ririki a mwaiti n aona aika tabe n rikirake: aika waetata rikirakeia. “E a tia te rikirake n riki bwa ara kangaanga ae korakora,” e taku te Beretitenti ae Koten B. Ingkiri ngke e kataetaeaki irouia taan kareke rongorongo man te Deseret News. “Bon te kanganga ae tamaroa bwa e karekea rikiraken te Ekaretia”

Ni katabeaia ae boou, Unimwaane aika Oukiti ao Oran a na riki bwa taan i buobuoki nakon kataneiakia taan kairiiri n te Ekaretia ao ni buokiia kaain te ekaretia aika boou karekei aia iango ibukin te ekaretia ao i bukin kawaran te tembora.

Te nakoa ae boou e na bon buokia kaain te Kooram ake Tengaun ma Uoman bwa e na karekei aia iango aika riki i bukin buokaia naake a kainnano ao i bukia taan kairiri.

A tia aaba aika Tiiri ao Biribin n rinanoa aron rikiraken te Ekaretia n ririki aika a tibwa nako. Kaain te Ekaretia i aon Biribin, e a tia n rikirake nakon te mwaiti ae te itera ni mirion, ma rikirake aika mwaiti i nanon uabwi te ririki n nako. Mwaitia kaain te Ekaretia i Biribin n 1984 bon 76,000, n 1990 bon 237,000, ao ngkai e katautauaki mwaitina nakon 496,000. E raka i aon 1,200 kaain te taromauri, ao baaireaki i nanon 80 taian titeiki ao 13 te mition, ngkai ae riki nakon te aba aei. Te Manira Biribin Tembora e katabuaki n 1984.

I aon Tirii iai Aomata Aika Itiaki ke kaain te ekaretia aika a raka nakon 520,000. Ngke e katabuaki te Tiantiako Tiri Tembora n 1983, ao ai kamani iai kaain te ekaretia ae mwaitia 140,000. N te 1988 i Tiri ngaia te kaaman n aba n te aonaaba ae a kaman koro mwaitin ana titeiki ae 50. I marenan 1983 ao 1993, kaain te ekaretia i aon Tiri ao te titeiki e taboro mwaitina, ao are e a riki iai Tiri bwa te aba ae kabanea te korakora iai rikirakeia kaain te Ekaretia i aon Amerika Maeao. E waaki te rikirake, ni ikotaki ma manga karekean riki 26 te titeiki ae boou i marenan 1994 ao 1996, anne are e a bon rikirake iai te Aono n Tiri n te 1996.