Kathleen H. Hughes
Moan Kauntira, n te Beretitenti ni Kabuta n aia Botaki n Aine
E a tia Tamara are i Karawa n anganiia aine aia entaumente ma bwain tangira aika a tamaroa, konabwaiia, ao iangoraoiia,” e taku Kateriin H. Ekuti, te moan kauntira ae e bou nakon weteana n aia Botaki Aine n te beretitenti ni kabuta. “Ma Ana ibuobuoki, ao man te ibuobuoki n tatab emaniira nako, ti aki kona ni bwaka.”
E taekinna Te Titita ae Ekuti bwa taeka ake a koreaki ni koroboki aika tabu, ni ikotaki ma ana atatai ngkai ngaia natin te Atua, e a tia n rooro n te tabo ae rau, e ngae ngke e katibo ma kangaanga inanon maiuna. N te taina, n aron te katooto, ngke e tabe ni kekeiaki ma tera are e a tia ni kaitibo ma ngaia ngke e moan bungia natina, ngaia ma buuna a kawara te auti ni kaikain are Ribetii i Mitiouri. A manga nora aron te maiu n te tabo are e a tia ni mena i nanona ngkoa Iotebwa Timiti ngke e karekei iai taian kaotioti aika a mwaiti, ake a tauaki mwiia n Tua ma Berita 121. Te Titita ae Ekuti e ataia bwa n ai bon ti te aron naba ma te bwai are e karaoia te Uea ngke e kamatoa Iotebwa Timiti, E na bon buokia naba ni kamatoa man kataakina ake e na reke nakoina. “Bon teuana mai buakon taai are I kona uringnga—bon te tai are I karekea kaotin te Uea inanon maiu ao ni kakoaua bwa tera ae kona ni karaoi taian koroboki aika a tabu ni uoti karauan naano ma te rau.” e taku.
Te Titita ae Ekuti e bungiaki n 19 Okitobwa 1944 i aon Toere, Utaa, iroun Wiriam Taeii ao Emma Tioaentin Eukiti. E mareaki ma Tiin T. Eukiti n 23 n Nobebwa 1966 i Taoro Reiki Tembora; a reke natiia aika teniman ao niman tibuia.
Titita Eukiti e karekea ana beeba ni bwaati ae rietata ae te batiera n te reirei n te taetae ni I-Matang n te reirei ae rietaata iUeeba n te 1966, ao e karekea ana beeba ae rietata ae te mwatita n te reirei ae onoti n te Reirei ae Rietaata i Nuukan Mitiori n 1974. E reirei n taian reirei inanon ririki aika mwaiti ao e a tia ni riki bwa te tia mwakuri n tararua n reirein te Burowo (Utaa) n te 1985.
Ni bon taai naba aika a tibwa n nako ao e a tia Titita Ekuti ni mwakuri bwa te beretitenti irouia Aine aika Kairake n ana uoote. E mwaiti naba ana tai ni weteaki n aia Botaki Aine, n te Moanrinan, ao te Reirei n Taabati ao e a tia naba ni mwakuri ni ibuobuoki n ana baba n tararua te n Aia Bootaki Ataeinnaine ni Kairake.
“Oin bukin aia Botaki Aine bon buokaia taari nikabane ma kaain aia utu, ma ana ibuobuoki te nakoa ni ibonga, ni uotiia nakon Kristo,” e taku. “I namakina te rau ae rootai n reken te wewete aio ao I ataia bwa te tibwanga ae moan te tamaroa ni mwakuri ma aine aika a rangi n rine inanon te beretitentii.”