Te Unimwaane ae Gerald N. Lund
Man te Itingaun

“‘Te Atua e aki babaka ni kawai nakon temanna ao akea ae babaka ni kawaia te Atua,’ e aki toki n taekina anne tamau. E aki toki naba n tuangiira, bwa te ‘Atua e rangi n tutuaraoi ma n anganga kakabwaia aika bati nakoira,’” e taku te Unimwaane ae Tieraata N. Rante, ae kaain te Ekaretia are e a kaboouaki weteana n te Itingaun.

“Ti tabekakirake n aron te rabakau aio,” e reita ana marooro ma n taku, “ao e bon kabwarabwara naba te kawai are I namakinna ibukin te mwakuri ni ibuobuoki. Kabatiaan riki karabwaan te Atua, kabatiakin riki Ana kakabwaia nakoiu, ni kaboan mwiin aio ao e a katukai bwa tabena riki teuna ae korakora ibukiu. Ko aki kona ni kaea mwiin te bwai are e karaoia.”

Ngke e a oki Tieraata Rante man ana mwakuri ni mitinare, e a tia ni imanonoaki bwa e raoiroi riki ni mwakuri nakon ae e na nako n te reirei.

“I nako ni mwakuri n te bitiniti ni kateitei,” e kabwarabwara, ao “Imwiin kabanaen teuana te wiiki ni kaitiaka bwani karaon te timanti n te bwai ni kaitiaki are e mwakuri man te iti, ao I noria bwa tiaki aei ae I tangiria ni kan kabanea iai maiu.”

N te tai waetata ao e a karina arana n te reirei ae rietaata ae te Buringam Iang, ike e karekea iai ana beeba ae te Batiera ao ana Mwatita Tikuri. Ana baire bwa e na nako n te reirei e bon aki bita maiuna ma e otinako bwa te tia anga reirei inanon ririki aika a mwaiti nakon te mwaiti ae aki kona ni warekaki irouiia aika a Itiaki ni Bong Aika Kaitira.

Tieraata Rante e moana ana anga reirei n te timinarii n te Kaawa ae Taoro Reiki n 1965, moanakin te 34 n ririki ni mwakuri ma ana Bootaki n Reirei te Ekaretia. Ni ikotaki ma ana ririki n anga reirei n te timinarii, e anga reirei naba n te intitute, ni mwakuri ni ibuobuoki bwa te tarekita n te intitute, ao ni mwakuri bwa te tia koroboki n te karikiram, ao e kakoroi bukin nako katabeana n te botaki n tararua. E bon riki naba bwa te tia korei booki aika a tanoata rongorongoia.

Te Unimwaane ae Rante e bungiaki i Bwaunten Kiriin, Tianabete Kauntii, i Uta, e nako Tiowaero ao Ewariin Rante n 12 Tebetembwa 1939. E manga mwaing ana utu nakon te Kaawa ae Taoro Reiki ngke ai teuana tabun ana ririki ao rimwi a manga nako Mwareei, Uta, ike e kabanea angiin ana tai ni ikawairake inanon ririki aika a bati.

N 1963, e mareaki ma Reta Riin Titanate, mai Kureiti Booro, Montana. A karikiia 7 natiia ao 17 tibuia. Te Tititai ae Rante bon te tia katangitang ao e a tia ni karaoi kunana aika rangi n raraoi. Te utu ae te Rante e a tia ni katiteuanaaki n tain te Kiritimati ae mwaiti ao ni botakin te Itita.

Te Unimwaane ae Rante e bon ibuobuoki naba bwa te beretitenti n te reirei ae rietaata ae te Buringan Iang n te Ka-14 n titeiki.