Reken te Tai ni Ibuobuoki
I ataia bwa moan te korakora tangirara irouna ao e kona ni karaoa te mwakuri Ana tangira ibukira.
I mwiin 34 te ririki n Ana Botaki n Reirei te Ekaretia, tao teniua te ririki n nako ao ti baireia buu ao Ngai bwa ti na toui kawai tabeua aika kakaokoro i nanon maiura. N te tabo anne ao ti moanna ni karaoi babaire. Ti biti ara tabo ni maeka bwa a na kaan riki nakoia ara ataei ao tibura. I moanna ni karaoi karikirake ake I taku bwa a na raraoi. Tabeua a rangi n tamaroa, I taku. Ao i mwiina teuana te bwai ae kakawaki i nanon maiura ae riki n taai akanne.
Bon te tai ae kakukure nakoira te tai anne ngke ti maeka ni iteran te kawai are te iterana man ana auti te Unimwaane ae Entio Butieke, are e tia ni karekea te karineaki man te Itingaun, ao buuna. N te bong teuana e reireiniia ara ibonga aika rietata n ara kooram te Unimwaane ae Butieke, ao e rinea te kibu man taekan te boki ae Aramwa ike e kaantaningaia iai Aramwa bwa e na ongo bwanaan te anera. I mwiina n te tai ae waetata ao e raira nanona Aramwa man taian namakin akanne, ao te kibu ae aua e reke mai iai te taeka ae akea n ai arona. E iangoia bwa ti riai n taratara raoi n te bwai are ti tangiria, ibukin te Uea. I mwiina ao e roko nakoiu te taeka ae I kuri n aki kona ni karaoa te bwai teuana iai: “Tao nakon te kamaiuaki ke te tiringaki.” E na kariaia nakoira te Atua, ni kaeineti nakon nanora, ma bwaai ake ti tangiri (tara Aramwa 29:1–5).
I nako ni mweengau n te bong anne—ao bon tiaki anne te bwai are I namakinna man baika tangiri ake a kaairua—ma n te tai anne ao I ataia bwa bwaai ake I tangiri bon au bwai. N te bong anne ao I moannn ni kataia ni kariaia bwa e na ataia te Uea bwa te bwai are I kani karaoia e kakoroa bukin Ana kaantaninga nakon te bwai are ti tangiria. Ma e ngae n anne, ma I taku bwa I a tia n nanonna raoi, ao I ataia bwa anne bon te bwai ae bebete taekinana ao bon te bwai ae kangaanga karaoana. N aron are e taekinna te Unimwaane ae Makitiwaero ngkoananoa, bwa ti ngkana ti kawaerakei nanora nakon te Atua are e kona ni moana kabwaakan itiakin ao tabun ao kakororaoan bukin te waaki (tara Ereman 3:35). Ti a tia ni kunea i nanon teniua te ririki are e a tia n roko man te tai are e a tia iai te Uea ni katokai waera iaon taiani kawai aika kakaokoro nakon ake ti kaantaningai, ao e a bon tibwa reke.
N te bong are teuana, i mwiin wetean buu ao ngai i roun Beretitenti Ingkiri, I tabe ni wareware n te boki ae te Tua Kaua ao I kunea te kibu n te ka-12 ni mwakoro are a nanonaki iai baika a mwaiti nakoiu. E karaoaki n aron tein te tua. E taku te Uea, “Ko na kimwareirei i matan Iehova ae Atuam ni bwaai ni kabane aika ko arora baim nako iai.” (Tua Kaua 12:18). Ti kukurei ni kaaitau ibukin reken te tai ni kimwareirei iroun te Uea n reken te tai aei.
Man moanakin kawai akanne, ti a tia n ataia bwa arora aron ana akoi te Atua, arora aron tangirara irouna, ao arora aron raoiron katikitikin Ana tangira ibukira. Ngke ai 16 au ririki ao e tuai tau wanawanau n ataani bwaai aika a mwaiti, e ringa nanou te Tamnei ao I ataa kakawakin te aine are ko mare ma ngaia. Ni moakina n te tai anne I moanna n te tataro bwa e na kakaea te aine te Uea i bukiu are e na riki bwa raou n akea tokina. A kaekaaki tataro akanne, ao ni kabane bwaai ake ti kukurei iai n ara utu ma natira ao tibura e na riki bwa mwiokoana ae korakora.
I a tia n ataia bwa Iesu bon ara Kristo, are Ana nanoanga ma te Tama bon akea tokina, e ngae ngkana akea te bwai ae na reke nakoira. I tangira te Burabeti ae Iotebwa Timiti, ma bon te tekeraoi nakoiu ngke I kona ni kabanea tao 10 te ririki ni karaoan au kamatebwai mwaaka ao karababaan riki au reirei ibukin maiuna, ibukin ana koroboki, ao ibukin ana reirei, ao ibukia te koraki ake a kinaa ma n tangiria, ao I a tibwa ataia bwa iai aia burabeti burabeti, ae temanna are e kororaoi ni koana ni wakina Manga Kaokan Bwaai inanon boong aika a kakannato aikai. Ao I a tia n ataia ma te mwaaka ae korakora aei bwa kiing akanne ake e kaokii a tia ni waaki nako n aki uruaki ni karokoa te bong aei, ao e mena ngkai iroun ara burabeti ae maiu, ae bon Koten B. Ingkiri.
Ao ti a manga kukurei riki n reken te tai ni beku ao ni ibuobuoki aei. Ti kananorinanoira, ma te kukurei ae moan te bati, ao I a katikui koaua akanne iroumi n aran Iesu Kristo, amen.