Ko Hoʻo Lekomeni Temipalé

Hili pē hoko ho taʻu 12, ʻe lava leva ke ke hū he temipalé ʻo fakahoko e papitaiso maʻá e kakai pekiá. (ʻOku fie maʻu e kau talavoú ke maʻu e lakanga fakataulaʻeiki.) Aleaʻi ha taimi ke ke ʻinitaviu ai mo hoʻo pīsopé pe palesiteni fakakoló ke maʻu haʻo lekomeni.

ʻOku ui e ngaahi lekomeni maʻá e toʻu tupú ko e lekomeni fakangatangata, pea ʻoku faʻahinga ʻe ua: ko e fakakulupu mo e fakafoʻituitui. ʻE lava ke tānaki atu ho hingoá ki ha lekomeni fakakulupu kapau ʻokú ke ʻalu ki he temipalé mo ho uōtí pe koló. ʻOku ʻaonga e lekomeni ko ʻení ki ha ʻaʻahi pē ʻe taha. Kapau ʻokú ke nofo ofi ki ha temipale pea ʻe lava ke ke kau maʻu pē ki he ngaahi papitaiso maʻá e pekiá, ʻe lava ke ke kole ki hoʻo pīsopé pe palesiteni fakakoló ke ʻoatu haʻo lekomeni fakafoʻituitui, ʻa ia ʻe ʻaonga ia ki he taʻu ʻe taha, kapau te ke kei moʻui taau ai pē.