Tohi ki he ʻĒtitá
Aʻu Mai e Tokoní ʻOku Teʻeki Fie Maʻu
Ne u fokotuʻu ha taumuʻa ke u lau kotoa e makasiní, neongo pē te u fakakaukau he ʻikai te u fie maʻu ha taha ʻo e ngaahi fakamatalá, pea ko hono ʻuhinga ia ne u lau ai ʻa e “Mapuleʻi ʻo e Kulukia Tamaki ʻo e Moʻui Hili ʻo e Fāʻelé: Ko ha Vakai mei he Ongoongoleleí,” ʻo ʻAokosi 2009.
Ka ʻi hono fāʻeleʻi ko ia ʻeku kiʻi taʻahiné ʻi ʻOkatopa ʻo e taʻu ko iá, naʻe vave ʻeku fakatokangaʻi e ngaahi fakaʻilonga ne u fouá peá u fakavavevave leva ʻo maʻu e ngaahi tokoni naʻá ku fie maʻú, ʻo hangē ko ia ne fokotuʻu mai ʻe he fakamatalá. Naʻe lau māhina siʻi pē peá u sai.
Ko e Liahoná ʻoku ʻikai ko ha makasini ʻataʻatā pē; ko ha founga fakahinohino, ko ha mape pea mo ha kāpasa.
Bertha Viola Rétiz Espino, Mekisikou
Ko e Meʻa ʻOku Tau Tui Ki Aí
ʻOku ou saiʻia ʻi he fokotuʻutuʻu foʻou ʻo e Liahoná. Ko e konga ʻoku ou saiʻia taha aí Ko e Meʻa ʻOku Tau Tui ki Aí. ʻE ʻilo ʻe he kāingalotu foʻoú pea mo kinautolu ʻoku ʻikai kau ki he Siasí ko ha maʻuʻanga tokoni lelei ʻeni ʻo e ʻiló mo e ivi. Fakamālō atu ʻi he makasini foʻoú.
Sonatane Ti ʻOliveila
Kātaki ʻo ʻave hoʻo ngaahi fakakaukaú pe fokotuʻú ki he liahona@ldschurch.org. ʻE lava pē ke liliu ʻa e ngaahi faitohi maí koeʻuhí ko e lōloá pe ke toe mahinongofua.