Ko ʻEtau Pēsí
ʻAlamā F., taʻu 11, Kosita Lika
Neo C., taʻu 4, Filipaini
ʻI he ʻaho Sāpate ʻe taha hili e lotú, ne u heka mo ʻeku faʻeé, mo hoku ngaahi tokouá ke mau ō ki ʻapi. Ka naʻe ʻikai ke maʻu e kī ʻo e kaá. Kuo ʻosi faʻo ʻe he tangataʻeikí ʻemau ʻū kató kotoa ki loto kā pea lue lalo ia ki ʻapi mo hoku kiʻi tuofefiné ʻi hono sālioté. Ne mau kumi e kií he feituʻu kotoa ka naʻe ʻikai pe ke ʻilo. Ne u ako ʻi he Palaimelí mo e efiafi fakafāmili ʻi ʻapí ʻoku totonu ke tau lotu maʻu pē ʻi he taimi ʻoku tau fie maʻu tokoni aí. Ne u talaange ki he fineʻeikí ʻoku totonu ke mau lotu ke tokoniʻi kimautolu ʻe he Tamai Hēvaní. Naʻe fiefia ʻaupito e fineʻeikí, pea naʻa mau lotu fakataha. Fakafokifā pē kuo lele mai ʻemau kui fefiné ʻo ʻomai e kií. Naʻe moʻutoʻoa atu ʻe he tangataʻeikí ia e kií peá ne ʻoange ki heʻemau kui fefiné ke haʻu ʻo ʻomai. ʻOku ou ʻilo naʻe tokoniʻi kimautolu ʻe he Tamai Hēvaní ʻaki ʻene ʻai ʻemau kuí ke haʻu mo e kií. Te ne tokoniʻi maʻu pē kitautolu, neongo ʻe fakafou mai ʻi ha kakai kehe.
Samuela K., taʻu 5, Siamane
Naʻe kole mai ʻa Palesiteni Monisoni ki he fānaú kotoa ke nau tokoni ki ha taha ʻokú ne fie maʻu e tokoní. ʻOku toko fitu e fānau ʻa ʻeku faʻeé, pea ʻoku ou tokoni kiate ia ʻi hono fakamaau ʻo e peitó ʻi he pongipongi kotoa pē, pea ʻokú ne fiefia ʻaupito ai. ʻOku ou fiefia peá u ongoʻi ʻokú ne fiefia foki mo ia ʻi he taimi ʻoku ou tokoni ange aí. ʻOku ou pehē ʻe fiefia foki mo Palesiteni Monisoni, pea ʻe fiefia mo Sīsū, ʻi heʻeku tokoni ki heʻeku faʻeé mo talangofua ki heʻeku ongomātuʻá.
Mailina L., taʻu 11, São Paulo, Palāsila
ʻOku ou ʻilo naʻe liliu ʻe he Palōfita ko Siosefa Sāmitá ʻa e Tohi ʻa Molomoná. ʻOku ou manako ʻi he ngaahi talanoa ʻoku ou lau ʻi he folofolá ʻo kau kia Sīsuú. ʻOku ou ʻiloʻi ʻoku ʻofa lahi ʻa Sīsū ʻiate au mo e fānau iiki kotoa pē. ʻOku ou fie ako lahi ange ʻi he Palaimelí ʻo kau kia Sīsū. ʻOku ou fiefia ke ʻalu ki he lotú mo hoku fāmilí ʻi he Sāpate kotoa pē. ʻOku ou ʻofa ʻi hoku fāmilí.
ʻAtiola T., taʻu 5, Maleisia