Երեց Սթենլի Գ. Էլիս

Յոթանասունից

Երեց Սթենլի Գարելդ Էլիսը գիտեր, որ ոչ ոք չի կարող գիտական ճանապարհով ապացուցել Աստծո գոյությունը, սակայն Հարվարդի Համալսարանում նա սովորեց, որ կարող է ապացուցել Աստծո գոյությունը՝ փորձարկելով Նրա խոստումները: Առաջին կուրսեցի էր, որ գումարը վերջացավ, և նա սկսեց աշխատել իր ծախսերը հոգալու համար: Թեև նա կասկածում էր, որ կարող է տասանորդ վճարել և հոգալ նաև իր բոլոր ծախսերը, նա որոշեց «փորձել» Տիրոջը (տես Մաղաքիա Գ.10):

«Առաջինը ես իմ տասանորդը վճարեցի, և հրաշք կատարվեց»,- ասաց Յոթանասունի Երկրորդ Քվորումից Առաջին Քվորում վերջերս կանչված Երեց Էլիսը: «Ես կարողացա ծայրը ծայրին հասցնել մինչև մյուս աշխատավարձը: Եվ այդպես շարունակվեց ամեն երկու շաբաթը մեկ ողջ կիսամյակի ընթացքում: Փորձելով Տիրոջը ես ամրապնդեցի իմ վկայությւնը, որ Նա իրական է, և Նա պահում է Իր խոստումները»:

Երեց Էլիսը ծնվել է 1947թ. հունվարին Բըրլիում, Այդահո, ԱՄՆ, Սթեֆան և Հեյզել Էլիսների ընտանիքում, և մեծացել է ագարակում ու ֆերմայում: Հարվարդում մեկ տարի սովորելուց հետո, 1966–1968թթ. նա ծառայեց Բրազիլիայի միսիայում: Իր վերադարձից հետո, նա ամուսնացավ Քեթրին Քլոֆերի հետ 1969թ. հունիսին Լոս Անջելես Կալիֆորնիա տաճարում: Նրանք ունեն ինը զավակ:

Հարվարդն ավարտելուց հետո, որտեղ նա ստացավ կառավարման գծով բակալավրի աստիճան, նա իրավագիտության աստիճան ստացավ Բրիգամ Յանգ Համալսարանից: Երեց Էլիսն աշխատել է հարկային պլանավորման ոլորտում և դարձել ֆինանսական խորհրդատվական ընկերության գլխավոր գործադիր տնօրեն:

Նախքան Յոթանասունի Առաջին Քվորում կանչվելը, Երեց Էլիսը ծառայել է Հյուսիսային Ամերիկայի Հարավարևմտյան տարածքի, Բրազիլիայի Հյուսիսային տարածքի նախագահություններում, և Սահմանների և ղեկավարների փոփոխման հանձնախմբում: 1999-2002թթ. նա ծառայել է որպես Բրազիլիայի Սան Պաոլո Հյուսիսային Միսիայում: Նա նաև եղել է ցցի նախագահ, ցցի նախագահության խորհրդական, բարձրագույն խորհրդական, եպիսկոպոսության խորհրդական, երեցների քվորումի նախագահ և ծխի ու ցցի Երիտասարդ Տղամարդկանց նախագահ: