Լինդա Ք. Բըրթըն

Սփոփող Միության Գերագույն Նախագահ

Լինդա Քյար Բըրթընը դեռահաս տարիքում Նոր Զելանդիայի Քրայսթչըրչում Եկեղեցու մի ժողովի ժամանակ հանկարծ հստակ գիտակցեց. «Ես գիտեի, որ ավետարանը ճշմարիտ է,- հիշում է նա:- Ես նաև հասկանում էի, որ միշտ իմացել եմ դա»: Այդ վկայությունը այժմ կօգնի նրան որպես Սփոփող Միության գերագույն նախագահ ծառայելիս:

Քույր Բըրթընը ծնվել է Սոլթ Լեյք Սիթիում, Յուտա, ԱՄՆ, Մարջորի Ս. և Մորիս Ա. Քյարերի ընտանիքում: Նա 13 տարեկան էր, երբ իր ընտանիքը հեռացավ Յուտայից, որպեսզի իր հայրը նախագահեր Նոր Զելանդիայի Հարավային Միսիայում: Քույր Բըրթընը, վեց զավակներից երկրորդը, այցելեց Նոր Զելանդիայի Եկեղեցու Քոլեջը և շփվեց խաղաղօվկյանոսյան տարածքի Վերջին Օրերի Սուրբ դեռահասների հետ: Նա վերադարձավ Սոլթ Լեյք Սիթի ոչ միայն տարբեր մշակույթների և սովորույթների, այլև հատկապես Տիրոջ և իր ընտանիքի հանդեպ սիրով լցված:

Քույր Բըրթընը հաճախում էր Յուտայի Համալսարան, երբ հանդիպեց և ամուսնացավ Քրեյգ Պ. Բըրթընի հետ 1973թ. օգոստոսին Սոլթ Լեյքի Տաճարում: Զույգը որոշեց չհետաձգել ընտանիք կազմելը, նրանց վեց զավակներից առաջնեկը ծնվեց գրեթե մեկ տարի անց:

Ամուսնու հետ աշխատելով, նա կարողացավ մնալ տանը երեխաների հետ, մինչ ամուսինը իր կարիերան էր ստեղծում անշարժ գույքի շուկայում: Վաղ ֆինանսական խնդիրները զույգին սովորեցրեց վստահությամբ նայել ապագային, «որովհետև մենք գիտեինք, որ ինչ-որ բարդ բան էինք կատարել Տիրոջ օգնությամբ»,- բացատրում է նա:

Ընտանիքը փոքր արձակուրդներ էր վերցնում և միասին անցկացնում այդ ժամանակները: Քույր Բըրթընը ծառայել է Երիտասարդ Կանանց մոտ, Երեխաների Խմբում և Կիրակնօրյա Դպրոցում և Երեխաների Միության և Սփոփող Միության գերագույն խորհուրդներում: Նա ծառայել է ամուսնու հետ միասին, երբ 2007–2010թթ. ամուսինը նախագահեց Կորեայի Արևմտյան Սեուլ Միսիայում: Միսիայի ընթացքում Քույր Բըրթընը հասկացավ, ճիշտ ինչպես տարիներ առաջ Նոր Զելանդիայում, որ սերն անցնում է լեզվի և մշակույթի սահմանը:

Նա հուսով է, որ իր նոր նշանակման մեջ կրկին կկիրառի Կորեայում իր ընկերուհուց սովորածը՝ «Նրանք կզգան քո սերը»: