សារលិខិតបង្រៀនសួរសុខទុក្ខ
សម្បថ និង សេចក្ដីសញ្ញានៃបព្វជិតភាព
សូមសិក្សាអត្ថបទនេះប្រកបដោយការអធិស្ឋាន និងស្វែងរកការបំផុសគំនិត ដើម្បីដឹងពីអ្វីដែលត្រូវចែកចាយ ។ តើការយល់ដឹងអំពីគោលបំណងនៃសមាគមសង្គ្រោះ នឹងរៀបចំបុត្រីទាំងឡាយរបស់ព្រះ ឲ្យទទួលបានពរជ័យនៃជីវិតដ៏នៅអស់កល្បជានិច្ចយ៉ាងដូចម្ដេច ?
ដរាបណាយើងដែលជាបងប្អូនស្រីយល់ថា សម្បថ និង សេចក្តីសញ្ញានៃបព្វជិតភាព អនុវត្តចំពោះយើងដោយផ្ទាល់ខ្លួន ដរាបនោះយើងនឹងទទួលបានពរជ័យ និង ការសន្យានៃបព្វជិតភាពយ៉ាងពេញលេញ ។
អែលឌើរ អិម រ័សុល បាឡឺដ ក្នុងកូរ៉ុមនៃពួកសាវកដប់ពីរនាក់ បានមានប្រសាសន៍ថា « អស់អ្នកទាំងឡាយណាដែលធ្វើសេចក្តីសញ្ញាពិសិដ្ឋជាមួយព្រះអម្ចាស់ និង អស់អ្នកទាំងឡាយណាដែលគោរពតាមសេចក្តីសញ្ញាទាំងនោះ មានសិទ្ធិទទួលបាននូវវិវរណៈផ្ទាល់ខ្លួន ត្រូវ បានប្រទានពរដោយការបម្រើនៃពួកទេវតា ទាក់ទងជាមួយព្រះ ទទួលបាននូវភាពពោរពេញនៃដំណឹងល្អ ហើយទីបំផុតក្លាយជាអ្នកគ្រងមរតកជាមួយព្រះយេស៊ូវគ្រីស្ទនូវអ្វីៗទាំងអស់ដែលព្រះវរបិតាមាន » ។១
ពរជ័យ និង ការសន្យានៃសម្បថ និង សេចក្តីសញ្ញានៃបព្វជិតភាព ជាប់ទាក់ទងទាំងបុរស និង ស្ត្រី ។ ស៊ិស្ទើរ ស្សើរី អិល ឌូ អតីតទីប្រឹក្សានៅក្នុងគណៈប្រធានសមាគមសង្គ្រោះទូទៅ បានមានប្រសាសន៍ថា « ភាពពោរពេញនៃបព្វជិតភាពមាននៅក្នុងពិធីបរិសុទ្ធដ៏ខ្ពស់បំផុតនៃដំណាក់របស់ព្រះអម្ចាស់ អាចទទួលបានតែចំពោះបុរស និង ស្ត្រីរួមជាមួយគ្នាប៉ុណ្ណោះ » ។២
ស៊ីស្ទើរ លីនដា ខេ ប៊ើតុន ប្រធានសមាគមសង្គ្រោះទូទៅ បានចេញនូវការអំពាវនេះថា « ខ្ញុំសូមអញ្ជើញបងប្អូនឲ្យទន្ទេញសម្បថ និង សេចក្តីសញ្ញានៃបព្វជិតភាព ដែលមាននៅក្នុង គោលលទ្ធិ និង សេចក្តីសញ្ញា ៨៤:៣៣–៤៤ ។ តាមរយៈការធ្វើដូច្នេះ ខ្ញុំសូមសន្យានឹងអ្នកថា ព្រះវិញ្ញាណបរិសុទ្ធនឹងពង្រីកការយល់ដឹងរបស់អ្នកស្ដីពីបព្វជិតភាព ព្រមទាំងបំផុស ហើយលើកតម្កើងអ្នកតាមរបៀបដ៏អស្ចារ្យទាំងឡាយ » ។៣
ការណែនាំរបស់ យ៉ូសែប ស៊្មីធ ដល់សមាគមសង្គ្រោះគឺក្នុងគោលបំណងរៀបចំស្ត្រីឲ្យ « ក្លាយជាម្ចាស់លើឯកសិទ្ធិ ពរជ័យ និង អំណោយទាននៃបព្វជិតភាព » ។ ការណ៍នេះអាចសម្រេចបាន តាមរយៈពិធីបរិសុទ្ធនៃព្រះវិហារបរិសុទ្ធ ។
« ពិធីបរិសុទ្ធនៅក្នុងព្រះវិហារបរិសុទ្ធ [ គឺជា ] ពិធីបរិសុទ្ធនៃបព្វជិតភាព ប៉ុន្តែពិធីទាំងនេះពុំ [ ផ្តល់ ] តំណែងសាសនាលើបុរស ឬ ស្ត្រីឡើយ ។ [ ពិធីបរិសុទ្ធទាំងនេះបំពេញតាម ] ការសន្យារបស់ព្រះអម្ចាស់ដែលថារាស្ត្ររបស់ទ្រង់—ទាំងប្រុស ទាំងស្រី—នឹងត្រូវ ‹ បានទទួលព្រះចេស្ដាមកពីស្ថានលើ › [គ. និង ស. ៣៨:៣២] » ។៤
ខគម្ពីរ និង ព័ត៌មានបន្ថែម
គោលលទ្ធិ និង សេចក្តីសញ្ញា ៨៤:១៩–៤០; ១២១:៤៥–៤៦ reliefsociety.lds.org
សេចក្ដីជំនឿ ក្រុមគ្រួសារ ការសង្គ្រោះ