Veika Vakasakiti mai nai Ka 187 ni Koniferedi Raraba Vakayabaki

Ena veiyaono na vula eda dau soqoni vata mai meda rogoca na vosa ni Kalou mai vei ira na parofita bula kei ira na iliuliu veivakauqeti ni Lotu. Era soqoni vata yani e milioni na tamata e vuravura ena veivale se valenilotu, ena nodra dui gauna ni vanua kei na vosa, mera sarasara ena veimataqali sikirini duidui.

Ia na koniferedi raraba e sega walega ni dua na soqo. Sa dua tiko na bula me vakilai ena kena balavu ga eda vinakata. Na koniferedi e dua na gauna me da vulica, kila-ka mai kina, ka bulataka tiko.

Mo ni vukei ena veika ko ni vakila ena koniferedi, sa tovolei me da toboka na yalo ni soqo ena ilavelave oqo ena veiyaono na vula. Se ko vinakata mo vulica na koniferedi ena veiivola, ena initaneti, se ena iyayaveikauyaki, sa nuitaki ko ni na lesuva tikoga mai na mataniwai oqo.

Turaga Keitou Vuabale

Tabana 86: Ni gadrevi me vaqaqacotaki na noda ivakadinadina baleta na iVakabula kei na Nona kosipeli, e vakamasuti keda o Peresitedi Thomas S. Monson meda “vulica ena masumasu ka vakasamataka titobu na iVola i Momani ena veisiga.”

Tabana 66: Sa kacivi ira kina na tagane mera dikeva na nodra bula ka “muria na ivakaraitaki ni iVakabula ena nodra yalovinaka, dauloloma, ka yalololoma.”

Kacivaki e Vica na Valetabu Vou

Tabana 86: Sa mai kacivaka o Peresitedi Monson e lima na valetabu vou me na tara e Brasília, Brazil; ena vanua levu e Manila, Filipaini; Nairobi, Kenya; Pocatello, Idaho, USA; kei Saratoga Springs, Utah, USA. (Raica na tabana e 141 me baleta na ikuri ni itukutuku.)

Tokoni na iLiuliu Vovou

Tabana 43: Ena Vakarauwai 1 ni Epereli, sa mai kacivaka kina na Mataveiliutaki Taumada na nodratou sa vagalalataki na Mataveiliutaki Raraba ni iSoqosoqo ni Veivukei: o Linda K. Burton, Carole M. Stephens, kei Linda S. Reeves.

Tabana 135: Vulica na taucoko ni nodra kacivi e 10 na iliuliu raraba ni Lotu, oka kina na Mataveiliutaki Raraba ni iSoqosoqo ni Veivukei vou.

Talevitale ni iVakaro Raraba

Waqana e loma: Era a vosa eso mai na “Se Bula na Karisito” kei “Na Matavuvale: Ai Vakaro ki Vuravura Raraba” (raica na tabana e 26, 36, 39, 62, kei na 100). Sa rawa mo na raica na rua na ivola bibi oqo ena loma ni ilavelave oqo.