Daukaulotu Vinaka Cake, Qasenivuli Vinaka Cake

Ena dua na kakaburaki ni vuravura raraba era a tuberi kina e voleka ni 71,000 na daukaulotu tagane kei na yalewa ena 422 na tabana ni kaulotu ena ivakarau me ra daukaulotu ka qasenivuli vinaka cake kina. A kacivaki talega me tiki ni vuli na veisau eso era sa vakadonuya na Mataveiliutaki Taumada kei na Kuoramu ni iApositolo Le Tinikarua. E dua na ituvatuva vou ni veisiga ena tadola kina vei ira na daukaulotu me ra lewa vakavinaka na vakayagataki ni nodra gauna ka ia na veisau eso me ganita na vanua era veiqaravi kina.

Na inaki ni ituvatuva dolavi oqo me vukei ira na kaulotu me ra gumatua, tuva na lalawa e vakauqeti, tuva-ka vakavinaka, tiko bulabula kei na nodra vakayagataka vinaka na nodra galala ni digidigi me ra vakatulewataka ena yalododonu na kena vakayagataki na nodra gauna. Ena rawa talega kina vei ira me ra tiko e tuba ka cakacaka vakabalavu cake.

E dua talega na veisau sa kacivaki na kena vakalailaitaki na “ivakatakilakila bibi” era dau vakayagataka na daukaulotu me ra ripotetaka kina na toso ni nodra cakacaka. A vakananumi vei ira na daukaulotu ni ivakavuvuli taucoko ena Vunautaka na Noqu Kosipeli era bibi ka dodonu me vakayagataki.