Veivakavulici ena iVakarau ni iVakabula

“Eda vinakata taucoko me da veivakavulici me vaka nona veivakavulici o Jisu,” e kaya o Elder Jeffrey R. Holland ena Kuoramu ni iApositolo Le Tinikarua ena dua na kakaburaki ni vuravura raraba baleti ira na qasenivuli ena 5 ni Noveba, 2016. “E rawarawa ka vakadodonu ka mana vakalevu na nona veidusimaki.”

E kaya o Elder Holland na ivurevure ni vuli Veivakavulici ena iVakarau ni iVakabula ena vukea me vakavinakataki cake na veivakavulici ena Lotu. E vakakina na matabose ni qasenivuli kei na veivakamatautaki vua na qasenivuli vou, ka a veivosakitaki ena kakaburaki oya. Sa vakarautaki tu ena 10 na vosa na kakaburaki oya ena teach.lds.org, kei na vica na mataqali vidio kei na iyaragi tale eso me vaqaqacotaka na veivakavulici.