Sharon Eubank

Matai ni Daunivakasala ena Mataveiliutaki Raraba ni iSoqosoqo ni Veivukei

Sharon Eubank

Ni dua o koya na tamata cakacaka vou ena Tabana ni Veiqaravi Raraba ni YDE, a vakadinadinataka o Sharon Eubank na yaluma, yalorarawa, kei na mosi ka vakavuna na dredre ni nona veiqaravi. Ena dela ni masu, sa yaco me kila ni dina ga ni rawa ni vukea na Turaga ena nodra qaravi na Luvena, e sega ni lewa o koya na yalorarawa oya. “E vakatulewa tiko o Jisu Karisito. Ena colata o koya na icolacola oqo. O ira era Nona tamata, ka na rogoca ka sauma ko Koya na nodra masu.” Na isau ni masu oqori e veisautaka nona kaukauwa me dolele yani ka veiqaravi.

Ena vica na yabaki i muri, ni dairekita voli o Sisita Eubank ni LDS Charities—na liga ni veiqaravi raraba ni Lotu—sa veisoliyaka na veivuke ka kacivaka na bula rawati koya vei ira era vakaleqai tu e vuravura taucoko.

A tokoni ena 1 ni Epereli, 2017, ki na Mataveiliutaki Raraba ni iSoqosoqo ni Veivukei, ena tomana tikoga na nona itavi vakadairekita ni LDS Charities. E koto e dua na “isema cecere” ena LDS Charities kei na iSoqosoqo ni Veivukei, o iratou na Mataveiliutaki Raraba ni iSoqosoqo ni Veivukei eratou dabe talega ena matabose ni dairekita ni LDS Charities, e vakamacalataka o koya. Na nona itavi ena isoqosoqo ruarua oqori ena vaqaqacotaka na isema oqori.

A sucu ena 1963 mai Redding, California, Amerika, o Sharon e qase duadua vei iratou na luvedrau e vitu o Mark kei Jean Eubank. Ni susugi mai Bountiful, Utah, Amerika, a tubucake o Sisita Eubank ena dua na tikiniqele 10 na eka (4 ha) ka ra dau vuru apricot, ripea isui, ka rawarawa nodra yacova yani na veiulunivanua e Utah na gone ni vuvale na Eubanks.

A rawata o Sisita Eubank nona bejila diqiri ena vosa Vakavalagi kei na Isitori mai na Brigham Young University e Provo, Utah, ka veiqaravi ena Tabana ni Kaulotu na Finland Helsinki.

Me ikuri ni nona cakacaka ena Tabacakacaka ni Welefea ni Lotu, a cakacaka talega o Sisita Eubank ena Capitol Hill e Washington, D.C., Amerika, ka taukena vata e dua na bisinisi lailai, dau vakaitikotiko talega mai Japani kei Varanise.

Na madigi yadua e “kalawa ni vakabauta” ka vukea nona vulica na maqosa sa vakayagataka tu nikua, e rawa kina vua me sotavi ira na tamata vakasakiti e loma kei na taudaku talega ni Lotu, ka vakavuna nona lomana ka taleitaka talega e vuqa na itovo vakavanua, na vosa, kei na kakana ni veivanua eso e vuravura.