iYaya kei na iVurevure Vovou

Oqo e dua na ivakaleka ni veiyaya vovou kei na ivurevure sa vakarautaka na Lotu ena dua na gauna wale toka qo.

iTalanoa vakaivolanikalou kei na ivola ni rokarokataki. Me vakayaloqaqataka na vuli ivolanikalou yadua ka vakamatavuvale, sa solia tiko yani na Lotu na ivurevure ni italanoa vakaivolanikalou vovou, tekivu ena so na mataqali ivola ni rokarokataki ka caka me baleti ira na gonelalai yabaki 2–8. Na kena ivakarau PDF soliwale era sa tu ena scripturestories.lds.org, kei na kena e tabaki e rawa ni otataki ena store.lds.org kei na Sitoa ni Lotu.

Na ivola ni rokarokataki ena vakadewataki ki na veivosa eso sa vakadewataki kina na ivolanikalou ni YDE. Sa na vakarautaki tu na kena e vakadewataki ena 2017, tekivu ena vosa vaka Sipeni, Potukali, Varanise, Japani, Korea, Jaina (mai vanua), Jamani, Rusia, kei Itali.

iVolanikalou. Eratou sa kacivaka na Mataveiliutaki Taumada e dua na ivakadewa vou ni toluenadua ni ivolanikalou ena vosa Vakavaranise, sa tu ena écritures.lds.org kei na iyaya vakamisini veikauyaki ni Laibari ni Kosipeli. Na ivakadewa oqo e oka kina e dua na veisau lailai ena dua vei rau na masu ni sakaramede. Eratou sa kacivaka talega ni sa tu ena initaneti e dua na ivakadewa vaka-Croatia ni toluenadua. Sa vakarautaki tale tu ga na itabataba tabaki ni toluenadua ena vosa vaka: Croatia, Rusia, kei Iceland.

Veivuke vei ira na matavuvale era sotava tiko na veivinakati vakamataqali vata. Me vukei ira na lewenilotu me ra sotava ena qaqarauni kei na vakasama vakamalua na veivinakati vakamataqali vata ke tiko ena nodra matavuvale, vei ira na lewe ni Lotu se so tale na vanua, na ivurevure e oka kina na mata vou mormonandgay.lds.org kei na dua na Ulutaga Vakosipeli vakavoui ena veivinakati vakamataqali vata (Vakavalagi), okati kina na taro dau tarogi wasoma kei na ivakavuvuli ni Lotu.

Laibari ni Kosipeli Vakalivaliva Vakavoui na app, era dau vakayagataka na lewenilotu me ra vulica na ivolanikalou, vosa ni koniferedi, kei na iyaya tale eso se qai vakavouui rau ruarua ena dua na gauna wale toka qo na iOS kei na Android. Ena ika 4, era matata cake na iyaya ni vuli, era sa vakaduavatataki vakalevu cake na ituvaki kei na kena icakacaka, ka sa tu na vidio ni veivakavulici vou. Ni sa rawa ni vakatakilakilataki qo na lewena taucoko, sa rawa ni o makataka, vakacuruma nomu nanuma, sema, toqa ka tuvalaka na lewena taucoko ena notebook. E rawa ni o vakatakilakilataka na vidio, ulutaga ni iwase ni ivolanikalou kei na ivukevuke ni vuli, na lisi ena ivolavakarau ni lesoni, serenilotu kei na sere ni Lalai, kei na vuqa tale.

LDS Tools app.Vakavoui. Na iwase 3.2.0 ni LDS Tools mobile app e rawarawa kina noda lakova na valetabu. Na ikuri ni ituvaki e rawa kina vei ira na lewenilotu me ra kila na valetabu e lesi vei ira, raica na lima na valetabu voleka duadua, veitaratara ki na dua na valetabu se mo kila na gauna ena sogo kina, ka vakananumi na gauna ena oti kina na yaga ni ivolatara.