Lima na Valetabu Vou
Sa kacivaka o Peresitedi Thomas S. Monson na lalawa me tara e lima na ikuri ni valetabu, ena veikoro lelevu oqo:
Brasília, Brazil. Na Valetabu na Brasília Brazil sa na ika tini ni valetabu e Brazil, oka kina e ono na valetabu sa vakayagataki tiko kei na tolu tale sa kacivaki se tara tiko. Kua ni wili kina o Amerika kei Mexico, e levu cake na Yalododonu Edaidai (sivia na 1.3 milioni) era tiko mai Brazil mai na veimatanitu kece tale. Na iwiliwili ni lewenivanua mai Brazil e rauta ni 211 na milioni.
Greater Manila, Philippines. Na valetabu oqo ena kena ikarua e Manila ka ikava ena Yatu Filipaini. E voleka ni 750,000 na Yalododonu Edaidai ena Yatu Filipaini, ka 104 na milioni na lewena.
Nairobi, Kenya. Na valetabu oqo era na qaravi kina e sivia na 30,000 na lewenilotu ena tokalau kei Aferika, oka kina na 13,000 na lewenilotu mai Kenya, ka 48 na milioni na lewena. Sa na kauta mai ki na walu na levu ni valetabu sa vakayagataki tiko, se qai tara tiko, se sa kacivaki e Aferika.
Pocatello, Idaho, Amerika. Na Valetabu na Pocatello Idaho sa na ikaono ni valetabu e Idaho, e dua na yasana ka rauta vakacaca ni 450,000 na kena Yalododonu Edaidai ka 1.7 na milioni na lewena.
Saratoga Springs, Utah, Amerika. Na valetabu oqo ena tiko ena dua na iwase ni vanua totolo duadua na kena tubu e Utah ka sa na ika 18 ni valetabu ena yasana. O Utah, na vanua e tiko kina na itikotiko liu ni Lotu, e 2.1 na milioni na kena lewenilotu, ka 3.1 na milioni na lewe ni yasana.
Na lima na valetabu sa mai kacivaki sa kauta mai na iwiliwili taucoko ni valetabu sa vakayagataki tiko (155) kei na valetabu sa kacivaki se sa tara tiko/vakavoui (27) ki na 182 na valetabu e vuravura raraba.
Me tekivu mai na koniferedi raraba ni Okotova 2016 eratou sa vakatabui oti na Valetabu na Fort Collins Colorado, na Star Valley Wyoming, kei na Hartford Connecticut e Amerika, ka vakatabui tale na Valetabu na Suva Viti.
Sa lalawataki tu me vaka sa koto e ra na vakatatabu me na vakayacori ena dua na gauna mai muri:
|
Valetabu |
Tikinisiga ni vakatatabu |
|---|---|
|
Parisi Varanise |
21 ni Me, 2017 |
|
Valetabu Idaho Falls Idaho |
4 ni June, 2017 (vakatabui tale) |
|
Tucson Arizona (Amerika) |
13 ni Okosita, 2017 |
|
Meridian Idaho (Amerika) |
19 ni Noveba, 2017 |
|
Cedar City Utah (Amerika) |
10 ni Tiseba, 2017 |
Sa kelivaki na qele me baleta na Valetabu na Winnipeg Manitoba (Canada), na Valetabu na Kinshasa Democratic Republic of the Congo, na Valetabu na Barranquilla Colombia, na Valetabu na Arequipa Peru, kei na Valetabu na Rio de Janeiro Brazil.
Me kilai talega, ni toso tiko na tara ni Valetabu e Roma Itali, sa biu ena valenivulagi na ivakatakarakara kei Jisu kei iratou na Tinikarua na iApositolo Taumada, ka biu ena dudukilagi e dua na ivakatakarakara ni agilosi ko Moronai.