3 Iango ni Bootakin te Utu n te Tairiki Aika Ana Kakorakoraira n Maura n Tamnei
Ti kainnanoia ni kakorakorai maiura n tamnei ni katoa bong. Unimwaane W. Mark Bassett man te Itingaun e korea taekan te kainnano aei n “Taraia ao Maiuakinna” (Riaona, Tianuare. 2018). Iango n aron waaki ni kakukurei aikai aika a boboto iaon ana boki e kona ni karaoaki irouia utu ma ataei n aia roro nako ni bootakin te utu n te tairiki.
-
N aroia tibun Iteraera, ti kainnanoia naba ni boboti “manna n tamnei” ni katoa bong—ti tataro, kamatebwaii booki aika tabu, kawakin tuua, ao ni buokiia tabeman bwa e aonga ni memena te Tamnei iroura. Kakaea te bwai teuana ae ko kona ni kabongana bwa e na tei ibukin te “manna” (bwatin, taore, booro ni beeba, etc.) ao kamaenakoi iaon am burooa. Tuangiia ataei bwa a na rikorikoi tenaan manna ao ni katikui ianon te boora. (Ni karaoa te takakaro bwa e na matoatoa teutana, ko na bae ni karaba te manna.) N tainako ngkana a katuka mwakoron te manna inanon te boora, a kona n anga te katooto n te mwakuri ae karekea te rikirake n tamnei. Iangoia ni wareka Te Otinako 16:19–21 ao ni karaoa te marooro. Bukin tera e kakawaki irouia kaain Iteraera bwa ana rikorikoa te manna ni katoa bong? Ao bukin tera e kakawaki ibukira?
-
N aron ana aotenaita te kaa ae kainanoaki bwa e na titiatinaki ni katoa tai n ana karaki Unimwaane Bassett, ngaira naba ti kainanoia bwa ti na teimatoa naba n titiatinaki n tamneira. Kakaea te taore ae maiu imwiin minominotakin tiburingina ke are minomino iaon tano imwiin kamaiuakina—te bwai are e na maiu imwiin minotakina ke kaminoana bwa e aonga ni mwakuri. Tibin ke kaminoa te taore tabeua te tai. E kanga n irekereke aei ma aron kakorakorakira n tamneira? Tera ae na riki ngkana ti katoka kaminoan taubukina? Ti tebo, tera ae e na riki ngkana ti katoka karaoan ara tataro ke n nakon te taromauri? Ko na bae ni karekerekea te “Manna n Tamnei” ma te tiekition n ana boki Unimwaane Bassett.
-
Ngkana “maiura n tamnei” a tiatianaki ao ni korakora, e na kona n riki te Tamnei ae Raoiroi bwa raom n tainako. Imwain bootakin te utu n te tairiki, karaoi uoua karinanin mwakuri: (1) bwaai aika a na kamamaraa maiuia n tamnei (n aron te kewe, babakanikawai nakoia tarim ao mwanem, aki karaoan te kamtebwai ni booki aika tabu) ao (2) bwaai aika e kakorakoraia (n aron kabwakaan te kabwianibwai, kawarakiia aoraki, kanakin te toa). Wareki n takarua item aikai ni kabane. Tuangiia ataei bwa a na nakon iteran te kiratiruum are n te maing ngkana te mwakuri e kakerikaaka korakoran maiuia n tamnei ao nakon te atai ngkana e kakorakoraia. Kaungaia bwa ana rineia ni karaoa ae eti.