Te Rongorongo man te Moan Beretitentii
Te Bwaintangira n te Rairannano
Iroun Beretitenti Thomas S. Monson
Kabwarabwara man Irarikin Raan, iroun Simon Dewey
“Tabera bwa ti na teirake man kabwakara nakon mweengaraoira, man mamaarara ni karekea kamoamoakira,” Beretitenti Thomas S. Monson e taekinna n ana reirei. “Tabera bwa ti na karekea te kabanea n tamaroa ibukira. Teuana ana bwaintangira te Atua ae moan te korakora nakoira bon te kukurei ni kataia riki, bwa akea te kabwaka ae te kabane.”1
Ti aki toki ni kairekerekea te moan waaki n te ririki ae boou ma te kouru. Ti kataia ni katamaroa, ni bitia, ao ni manga kataia riki. Tao te kawai ae te kabanea ni kakaawaki bwa ti kona n manga kataia riki man mwanokaa are e aranna Beretitenti Monson “te bwaintangira n te rairannano.”2
Ni mwakoron ana reirei are imwiina ngke e riki bwa te Beretitenti n te Ekaretia, Beretitenti Monson e reireiniia bwa ti “na karaoia nakon ana kamaiu n raraan Kristo bwa ti aonga ni kona ni karekea kabwaraakin ara bure, ao a na kona ni kaitiakaki nanora.”3
Te Kakai ni Kabwaraan Bure
“Ti a tia ni bane ni karaoi rinerine aika a kairua. Ngkana ti tuai kaeti rinerine akanne, I kakoaua nakoim bwa iai aron karaoana. Te waaki anne bon te rairannano. I bubuti ngkami bwa kam na kaeti ami kaairua. E mate ara Tia Kamaiu bwa e katauraoa nakoim ao nakoiu te bwaintangira ni kakabwaia anne. E ngae ngke e aki bebete te kawai, te berita e bon koaua: ‘Ngkana tao ai aroni kunnikai aika uraura ami bure, ao a na riki ni mainaina n ai aron te tino’ [Itaia 1:18]. ‘Ao ngai, te Uea I aki manga uringi’ [D&C 58:42]. Tai karekea n te kaangaanga maium ae akea tokina. Ngkana koa tia ni bure, waekoa karaoa te kawai n oki, waekoa naba karekea te rau ao te kimwareirei are e reke man te kakai ni kakabwara Bure.”4
Oki nakon te Kawai
E ngae ngke e rangi ni bongana bwa ti na rinerine ma te wanawana, a na iai taai ngkana ti karaoa te rinerine n nanobaba. Bwaintangira n te rairanano, are katauraoaki iroun ara Tia Kamaiu, e na karokoira ni kaetan ara kooti, n te aro bwa ti aonga n oki nakon te kawai are e na kairiira nakon te mimitong are te tiretio are ti ukokoria.”5
Te Kawai n Oki
“Ngkana iai ibuakomi ae kariaia te bure inanon maiuna, I kakoaua bwa iai te kawai n oki. Te waaki anne bon te rairannano. E ngae ngke e matoatoa te kawai, e boboto iaon kamaiuan tamneim. Baikara aika a na tau riki ibukin am konabwai? I bubuti ngkami ni baireia raoi ikai ao ngkai n tou mwanekan te rairannano ae bwanin. Moantaaim ni karaoia, moantaaim naba ni kona n rinanon te rau ma te nikoraoi ao te kakoaua are e taekinaki iroun Itaia [taraa Itaia 1:18].”6
Aomata A Kona ni Bitaki
“Ti riai n iangoia n ara iango bwa aomata a kona ni bitaki. A kona ni katukui anuaia aika bubuaka. A kona n rairi nanoia man aia bure. A kona n tau ni karekea te nakoanibonga. Ao a kona ni beku ibukin te Uea ma te nanomwaaka.”7
Ni Manga Itiaki Riki
“Ngkana iai te bwai ae e kabwaka ni maium, e na kauka kawaim n otinako. Katoki bwaai aika aki raoiroi. Marooro ma am bitiobi. Tera nako te kaangaanga, e kona ni katamaroaki rinanon te rairannano ae karaoaki raoi. Ko kona ni manga kaitiakaki.”8
Ana Mwakuri ae Kakaawaki te Tia Kamaiu
“E bon kakaawaki n te babaire ni [kamaiu] ara tia kamaiu, Iesu Kristo. N akean ana anganano ni kamaiu, ni kabane aomata a na bane ni bua n tamneia. E bon aki tau, e ngae n anne, tii Kakoaua ma Ana mition. Ti riai ni mwakuri ao n reirei, ni kakae ao n tataro, n raira nanora ao ni kekeiaki. Ti riai n ataa ana tua te Atua ao ni maiuakin. Ti riai ni karekei Ana otenanti ni kamaiu. Ti man karaoan aei ti na kona iai ni karekea te kukurei ni koaua, ae akea tokina.”9