Doctrine ao Covenants 19:23

Te Uea e kaoki nakon Iotebwa Timiti tabeua kiing ni karekean te rau iroun Iesu Kristo.

23 Reiakina taekau, ao ongo n au taeka; nakonako ma te nimamannei n Tamneiu, ao ko na karekea te rau mai irou.

Reirei Arou

“Ti ataia ae te “tia reirei aei e roko mairoun te Atua’ [Ioane 3:2] e raka riki arona nakon ae ti te tia reirei. Are e reireiniira bwa ti na tangira Iehova ae Atuara ma nanora ni kabanea, ao n tamneira ni kabanea, ao ni korakorara ni kabanea, ao ni wanawanara ni kabanea; ao n tangira raom n ai aron tangiram i bon i roum, bon te Tia Reirei ae Mwaatita ao te Banna ni Katooto n te maiu ae kororaoi. …

“Ngkana ti kaekaa ana kakao te Uea, “Reirei Irou,” ti riki bwa taan katoonga Mwaakana mai i Karawa.”

Beretitenti Thomas S. Monson, “Reirei Irou,” Riaona, Maati 2016, 4, 6.

Ongo Au Taeka

Te kakauongo e kakawaki ibukin karikirakean te onimaki iroun Iesu Kristo. “E reke te onimaki n te ongora, ao te ongora e reke man ana taeka te Atua” (I-Rom 10:17).

“A riai natin te Atua n reirei aron te kakauongo, ao ni kakauongo n reirei mairoun te Uea” (Beretitenti Russell M. Nelson, te Beretitenti n te Kooram n Abotoro n te Tengaun ma Uoman, “Kakauongo n Reirei,” Ensign, Meei 1991, 24).

Nakonako

Te reirei ao te kakauongo a riai karaoakiia bwa ko aonga n iriira raoi Iesu Kristo. Ma a bon aki tau ibon irouia. Ti riai naba n nakonako, ke ni mwakuri, ni kaineti ma te bwai ae ti reiakinna ao n ongo.

“Bon te tai ae eti n tainako n nakonako ni Kawaina. E bon aki kona n rimwii” (Beretitenti Dieter F. Uchtdorf, te Kauoman ni Kauntira n te Moan Beretitentii, “The Way of the Disciple,” Riaona, Meei 2009, 78).

Nimamannei

Te ongotaeka e raonaki ma te “taotaonakinnano iaan te karawawataaaki” (Te Kairi nakon Booki Aika Tabu, “te Nimamannei, te Te Ongotaeka,” scriptures.lds.org). Ngkana ti taotaonakinnano ni kaitarai kataakira n aki kauna te Atua, tiaki n ae ti na rairaki, ma E na kamaiura naba (taraa D&C 112:13).

Tamneiu

Te nimamannei e uota “rokon te Tamnei are e Raoiroi” (Moronaai 8:26) ao boni “uaan te Tamnei” (taraa I-Karatia 5:22–23).

Te Rau Iroun Kristo

“E aki kuneaki te rau man karekean mwaitin te kaubwai, te mwaaka, ke te kinaaki ae korakora. E aki kuneaki te rau man te kakaae, te takakaro, ke te kakukurei. Akea mai ibuakon bwaai aikai ae a kona, e ngae ngke e karekeaki n te mwaiti ae korakora, e karika te kukurei ke te rau ae teimaan.

“… Te Tia Kamaiu … bon te tia karika te raoi. Boni Ngaia te ‘te Uea n Raoi’ [Itaia 9:6].”

Unimwaane Quentin L. Cook man te Kooram n Abotoro n te Tengaun ma Uoman, “Personal Peace: The Reward of Righteousness,” Riaona, Meei 2013, 34.