Aio Ngkai Tokin Maiu?

Samson Ho, Hong Kong, China

Bon te karo ngai ae marurung ma naitu uoman aika tamaroa ao te kainnaba iroun te buuaine ae tamaroa ao e rang maribo. E tamaroa au mwakuri ao e nakoraoi boou. Taraan te maiu e rang nakoraoi, ma e waekoa ni bitaki au aonaaba ngke e a reke irou te kaentia, te aekaki ae aki bati n rereke are e riki i atu ao i roroau.

I riki bwa ana kauntira te bitiobi n te tai anne, ao iai te kabo n te bwatiketi booro n te Ekaretia n te tai are I a namakina iai te aoraki. I nako ni kawara te taokita, ao imwiin te kakae ae mwaiti, e a tuangai bwa I a roko n te kaua ni mwakoro n te kaentia. E a roko te raraoma ao te maaku. I iangoia bwa ngkana aio tokiu n te maiu aei ao tera ae e na riki nakon au utu ngkana I mate. Teuana te bwai ae I katan iai ibukin kairakiu ao karauan nanou bon te tataro nakon Tamara are i Karawa.

Imwiin teniua te bong n au tataro ae reitinako, I namakina ae kaanga e wirikiriki te bwanaa ae beebete, “Tai maaku.”

Man te tai anne, I aikoa maaka te mate. A teimatoa n aki nakoraoi bwaai irou. Iai te tai are I aki kona iai n onga te amwarake ao I aki kona ni matu, ma I aki kabwara nanou ke n rairaki nako maiiroun te Atua—ao E a tia ni buokai.

Te kaentia e a tia ni kaitiakaki mairou n te maan ae 18 te ririki. I aki ataia bwa mannra riki au tai ni maiu, ma I kukurei bwa I kona ni beku ibukiia tariu ao mwaaneu. I ataia bwa Tamara are i Karawa e aki kona ni kiitaniira ke ni katikuira. Ao ngkana ti tangiria ni karekei kakabwaia mairoun te Atua, ti aki riai ni kitanna ke ni katikua.