Rongorongo ni Kakawari n Reirei
Rereitaki ma Neienne n Taai nako, n Taabo nako, n Aaro nako
Te kakawari n reirei bon taekan te ibuobuoki. Iesu e ibuobuoki n tainako ao n tabo nako. Ti kona ni karaoa ae aekan anne.
N “ibuobuokir” n anga te ibuobuoki, tararua, ke te buoka are e karekea te mweengaraoi ke te kukurei iroun temanna. Te reirei ni kakaawari bon noorakin te kawai n buokiia naake ti kawariia. Iesu Kristo e ibuobouki nakoia ni kabane—n taai nako n taabo nako. E kamwarakeia 5,000, e karau nanoia Maria ao Mareta ni maten mwaaneia, ao e E reireina te aine n te mwaninbwa taekan te euangkerio. E karaoia ibukin Ana tangira ae korakora.
Ni katotongan Ana banna ni katooto, ngkai ti riki bwa taan reirei ni kakawari, ti kona n ataia ao n tangiriia aine ake ti kawariia, n uringa te tangira anne bwa bon aan bwaai ni kabane ake ti karaoi. Ngkana ti tataro ibukin kairakira bwa ti na ataia bwa ti na kanga ni buoka neienne ni kakorakora ana onimaki, “anera a na teimatoa n riki bwa [ara] tia ibuobuoki.”1
Man moan katean te Bootaki n Aine n 1842 ni karokoa te bong aei, buokakiia aine e a tia ni kakabwaia maiu. Te katooto, Joan Johnson, te aine ae tia ni mate buuna ae 82-ana ririki, ao toana a kawara kain rarikiia ae 89 ana ririki ae aorakina te numonia. A kona n nooria bwa kain rarikiia arei e aki tii kainnanoia teuana te tai n te namwakaina, ngaia are e tutuoia ni katoa wiiki ni kakawaria ke n tareboniia.
Irouia tabeman taan reirei ni kakawari, a kanakoa aia tekiti ke aia imeeri ni kaunganano a kona n riki bwa te bwai ae tamaroa nakon te tari n te namwakaina anne. Karaoan te reitaki ao te ongora ma te anua n tangira bon kanoan te reirei ni kakawari. Rabakau aika a boou ao te tai ae kabongana te itaramata ni karekea buokara karaoia n taai nako, n taabo nako, ni kawai aika a mwaiti.2 Anne te ibuobuoki ae karaoia Iesu.
Onimaki, Utu, Buoka