Ukoukoran te Rau: 4 (Riki) Kawai ni Kabonganakin te boto ni iango n te Miutuo 2018
Te boto ni iango ibukin te Miutuo 2018 e reireiniia kairake taekan te rau ae a kona ni karekea mairoun Iesu Kristo. E roko te boto ni iango man Reirei ao Berita Aika Tabu 19:23 ike te Uea e kaoia, “Reiakina taekau, ao ongo n au taeka; nakonako ma te nimamannei n Tamneiu, ao ko na karekea te rau mai irou.” Ai korakorara te rongorongo aei! Aikai aua kawai ni kakukurei ni kabongana te boto ni iango n te Miutuo ni kakorakoraia kairake rinanon taai aika kaangaanga:
1. Waaki ni kaukuki
Man karinakin te boto ni iango mai moan te Miutuo, ko kona n ataa iai aron kairan te waaki ni kakukurei anne. Imwain waaki ni kakukurei n tatabeua nako, ko kona ni mwiokoa te ataeinimwaane bwa e na rinea te kibu ae kaineti nakon Reirei ao Berita aika tabu 19:23 ao n tibwauaia ma te kurubu. Ko kona naba ni katuka te tai n tain te kaukuki ni kamatebwai kiibu aika a oti imwain ao imwiin te kibu 23 n oota raoi ni kanoana.
2. “Ongo n au taeka”
Te waaki ni kakukurei aei e anga te kakukurei, te kakaewenako n te kawai ae boou ni karaoa te waaki ni kakukurei n te kuuka are e karekeaki n “Ngkami, Kairake, ao te Boto n iango n te Miutuo” (Ensign ke Riaona, Tianuare 2018). Rinea te kaetieti ao angan temanna bwa e na warekia ao kairake a na kakauongo ao n ira te kaetieti ni kanoa te raurau. Ngkanne, kaokiokia ni katangimwakaa te katangitang ngkai e taetae te tia wareware, ni karaoia bwa e na kaangaanga te ongora nakon te kaetieti. Kaungaa te tia wareware bwa e na reitanako warekan te kaetieti ao n aki kaokiokii. Imwiin te waaki ni kakukurei, maroroakinna bwa e kanga te aonaaba ni kararoai ara iango man ana taeka Kristo ni karika te kaangaanga riki n Irakina.
3. “Reirei Irou”
Te waakin ni kakukurei aei e na reireiniia kairake bwa a na kanga ni karekea te rau man kamatebwaian maiun Kristo n te kawai ae kakaongora ao n iai te tamnei iai. N ni mwaneaban ami auti ni bootaki n ami uoote (ke n te tabo teuana ae tauraoi), e na iai taabo aika a kateaki aika kakaokoro ike iai ami tamnei/bwaai aika a tei ibukin tabeua bwaai aika a katabetabei nanoia kairake ni maiuia—bwaai n aron te mwakuri n te reirei, buaka imarenaia, aomata aika aki akoi, etc. A riai taabo n tatabeua nako ni mena n te kawai itinanikun te umwanreirei. N taabo aikai, kariaia kairake bwa ana kabwarabwarai aia namakin ao aia taneiai bwa a kanga bwaai ni karawawata aika onoti aikai n rotiia. Ngkanne, kauka mataroan te ruu are e mena itinanikuna te tabo.anne. (E kona n ae iai tamnein Kristo ae beniaki ni katekeaki itinanikun te mataroa.) Inanon te ruu, e na riai n iai te tabo ae iai inanona te witeo/booki aika tabu/rongorongon tabeua maiun ao ana reirei Kristo are e na buokia ni katauraoa te rau ni kaineti ma te kaangaanga itinanikun te maneaba. Teniua te tabo ae uoua mwakorona (teuana mwakorona inanon te maneaba, teuana mwakorona n te umwanreirei) a riai ni kona ni karaoa te waaki ni kakukurei ni kabane.
4. “Ko na karekea te rau mai irou”
Naako “anenei anene ibukin te rau” bwa te kurubu n te Miutuo. Rinanon te aneenene e aki toki ni karaoaki ti ngkana e a kaan te Kiritimati, bon te waaki ae kakukurei n te ririki. Kakaeia tabeua utu aika ko ataia aika a kona ni kabonganai tabeua kaungaunga n tamnei ao ni kawari mweengaia ma taeka aika tamaroa ao tabeua anene aika kam kona n anenei. Anene a kaoa te Tamnei, aika a uota naba te rau ae bati.