Te Tairiki n te Tembora e Kabebeteaki: 6 Iango Aika Ana Kabebetei Aron Taian Mwananga Nakon te Tembora
A rangin ni mwaiti kurikuri bwaai aika a na kona n totokoiko man nakom nakon te tembora. Karekean te karenta n aron aei bon ti teuana mai ibuakon iango ibukin karaoana bwa e na bebete riki te roko iai ikekei are ti na kona ngaira taan koro rongorongo imwiin titirakinami ibukin ami iango iaon te Facebook. E ngae ngke ko karekea te tai n am tai ae moan te tabetabe n nako ti ngkoe ke ko raona raoraom bwa e aonga n aki nako n tingaia, a kona iango aikai ni buokiko ni karekei kakabwaia n nakon te tembora n taainako.
Ibukiia Utu Aika Iai Natiia
Nakon te tembora bwa mwakoron ami tangira imarenami. Nakon te tembora n onean mwiin teuana ami marooro imarenami. Bwa tera babaire aika ko aki toki ni karaoia ibukin tararuakiia ami ataei ngkana ngkoe ao buum kam nako ni kareketangira a kona n tiku ngkai kam nako ni kaei tietion n te tembora irarikin are te nako n amwarake ao te tamnei. Ngkoe ao buum kam bon riai ni karekea ami tai ae kam na kukurei iai, ti man karekean riki te kakabwaia n nakon te tembora.
Kaibibitiia ataei: Kakaea te utu teuana ae kukurei ni karekea aia tai natiia n takakaro ma natimi ngkana kam nakon te tembora; ngkanne karaoa naba anne nakoia ngkana a nakon te tembora.
Bikiniki ao te tai n takakaro: N aron te utu are e taekinaki n te karaki “Te Kakabwaia ae Beritanaki ibukin te Nanakon te Tembora,” karaoa te mwananga ae na bane teuana te bong ke te wiikente. Kairiia kaain te utu ni kabane; temanna te karo e kona ni kaea te tetere n te tembora ni kabane ao are temanna e kairiia ataei n nako ni bikiniki ma ngaia ke aeka n amwarake tabeua ke te tinaeki. E kona ngkanne te karo anne ni kaei tetere ngkana te moan e kairiia ataei ibukin te takakaro n te bwaake ke n nakonako ni katobibia rarikin te tembora.
Ibukiia Aomata ni Kabane
Karekean te tai: Ngkana e angaraoi am tai ao am tabo, karekea te tai n nakon te tembora n tainako (katoa wiiki, katoa namwakaina, katoa ririki). Te kakawari ae teimatoa e na kariaiko bwa ko na baireia irarikin tabem aika mwaiti ao ni moanibwaia nakom nakon te tembora.
Te Motinnano: Karekea te tai ao kabanea am tai nako iai. Ngkana iai am kaangaanga ni karekea te tai n am tieture, kataa are karangaina n te moaningabong; e aki rangin tabetabe n te karangaina.
Kakaea raoraom n airi mangaia: Ngkana iai am kaangaanga n nakon te tembora n ti ngkoe, kakaea raoraom ae e na airi ma ngkoe! Tai maaku n tareboniia taan reirei n te mweenga, taan kakawari n te mweenga, ke kaain te uoote tabeman ao tuangiia bwa a na iriko n nakon te tembora.