Kairake
Bairea te Rairannano
E kamataata Beretitenti Monson bwa “tabera ti na eutiraarake man te katei ae aki raoiroi nakon karaoan ae tamaroa, man te nakobuaka nakon te tokanikai. Ara mwakuri bwa ti na karikiira bwa kabanea n tamaroa ngaira.” A mwaiti aomata aika katurui aia iango iaon Tianuare ni karaoi kouru ao n iangoi kawai aika a kona ni katamaroai, ni moangare riki, amwarake n amwarake aika kamarurung, n reiakina te rabakau ae boou. Ngkai a kona kouru aikai ni buokiko ni kanakoraoa maium, te kabanea ni kawai ae tamaroa ni bitaki bon rinanon te rairannano.
E ngae ngke e kaangaanga te rairannano, bon te bwaintangira! Ngkai ti onimakina Iesu Kristo n rairi nanora man ara bure, ti kona n rikirake ao ni waaki nako. E taku Beretitenti Monson, “E bon kakaawaki ana babaire [kamaiu] ara Tia Kamaiu, Iesu Kristo. N akean Ana angakarea ni kamaiu, ni kabane aomata a na bane ni bua n tamneia.” Rinanon te rairannano, ko kona ni kaitiakaki man am bure ao n rikirake n riki n Ai arona.
Ianoga te bwai are e tuuka rikim n ai aron te Tia Kamaiu. Am taeka aika kamaraki? Anne te kawai ae ko karaoia nakoia raoraom ao am utu? Imwiin iangoakin aron katamaroakin maium, tataro nakon te Tama are i Karawa ao ni kabwarabwaraa am iango ni bitaki. Uringnga bwa rinanon mwaakan Ana Mwakuri ni Kamaiu, e kona Iesu Kristo ni buokiko n tokanikai iaon mamaaram. E a tia Beretitenti Monson n reirei, “Te Bwaintangira n te rairannano, ae katauraoaki iroun ara Tia Kamaiu, e kariaira ni kaetii waakin kawaira.”