’Ua ha’amana te fenua Koweït i te ’Ēkālesia

’Ua noa’a i te ’Ēkālesia te ha’amanara’a o tōna mau feiā fa’atere ’e tāna mau fa’anahora’a mai roto mai i te fa’aterera’a hau nō Koweït. Fātata e 300 melo nō Te ’Ēkālesia a Iesu Mesia i te Feiā Mo’a i te mau Mahana Hope’a Nei e ora nei ’e e ’ohipa nei i Koweït ; tei tae mai nā te mau fenua e rave rahi nā te ara. Maoti te ha’amanara’a a te fa’aterera’a hau e ti’a ai i te feiā fa’atere i reira e tāvini maita’i a’e i te mau hina’aro o te mau melo i Koweït.

’Ua fa’a’ite te ’episekōpo Terry Harradine nō te pāroita nō Koweït, nō te titi nō Manama Bahrain, i tōna māuruuru i te fa’aterera’a hau nō Koweït nō te fa’ati’ara’a i te ti’amāra’a ’ia ha’amori i Koweït, nō te mau rave ’ohipa iho ā rā tei fa’aru’e i tō rātou fenua, ’e nō te fa’aitoitora’a i te huru fa’a’oroma’i i te fa’aro’o o te tahi ’e te tahi i reira.